സ്‌കോര്‍- കേരളം 320, ഡൽഹി: 139 & 154
അഞ്ചിന് 41 എന്ന നിലയിലാണ് അവസാന ദിവസമായ ഇന്ന് ഡൽഹി ബാറ്റിങ് തുടർന്നത്. മധ്യനിര ബാറ്റ്‌സ്മാന്മാര്‍ പൊരുതിനോക്കിയെങ്കിലും ഡൽഹി ഇന്നിംഗ്സ് തകർന്നടിയാൻ അധികം സമയം വേണ്ടിവന്നില്ല. ക്യാപ്റ്റന്‍ ദ്രുവ് ഷോറെയാണ് ഇന്ന് ആദ്യം പുറത്തായത്. പിന്നാലെ അനുജ് റാവത്ത് (31), ശിവം ശര്‍മ (33), സുബോധ് ഭാട്ടി (30) എന്നിവരും മടങ്ങിയതോടെ ഡൽഹി അനിവാര്യമായ തോൽവി സമ്മതിക്കുകയായിരുന്നു.
advertisement
ഹോ! എന്തൊര് പന്ത്; ഹാരിസിനെ പുറത്താക്കി വിഹാരി
ഈ വിജയത്തോടെ കേരളത്തിന് ഏഴ് പോയിന്റ് ലഭിച്ചു. ഇതോടെ എലൈറ്റ് ഗ്രൂപ്പ് ബിയിൽ ആറ് മത്സരങ്ങളിൽനിന്ന് 20 പോയിന്‍റുമായി കേരളം ഒന്നാമതാണ്. അഞ്ച് കളികളിൽ 18 പോയിന്‍റുള്ള മധ്യപ്രദേശ് തൊട്ടുപിന്നിലുണ്ട്. മധ്യപ്രദേശിനോട് കേരളം തോറ്റിരുന്നു. കേരളത്തിന്‍റെ അടുത്ത രണ്ട് മത്സരങ്ങളും എതിരാളികളുടെ തട്ടകങ്ങളിലാണ്. ഒന്നിലെങ്കിലും വിജയിക്കാനായാല്‍ കേരളത്തിന് നോക്കൗട്ടിലെത്താനാകും.