എന്നാല്‍ മഴ കളിമുടക്കിയപ്പോള്‍ കളത്തിന് പുറത്ത് താരമാവുകയായിരുന്നു ഇന്ത്യന്‍ ഓപ്പണര്‍ കെഎല്‍ രാഹുല്‍. താരങ്ങളെല്ലാം പവലിയനിലേക്ക് മടങ്ങിയപ്പോള്‍ ഇന്ത്യന്‍ ആരാധകര്‍ക്കൊപ്പം സമയം ചിലവഴിക്കുകയായിരുന്നു താരം. ആരാധകര്‍ക്ക് ഓട്ടോഗ്രാഫ് നല്‍കിയും ഫോട്ടോയെടുക്കാന്‍ അവസരം നല്‍കിയുമായിരുന്നു രാഹുല്‍ ആരാധകരുടെ മനം കവര്‍ന്നത്.
മെല്‍ബണ്‍ ടി20; മത്സരം മഴ കൊണ്ടുപോയി
മഴയെത്തിയപ്പോഴും ആവേശം ചോരാതെ നില്‍ക്കുന്ന മെല്‍ബണിലെ ആരാധകര്‍ക്കൊപ്പമുള്ള രാഹുലിന്റെ വീഡിയോ ഇന്ത്യന്‍ ക്രിക്കറ്റ് ടീം തന്നെയാണ് ഇന്‍സ്റ്റാഗ്രാമിലൂടെ പങ്കുവെച്ചത്. നേരത്തെ ഓസീസില്‍ രണ്ട് ടെസ്റ്റ് മത്സരങ്ങള്‍ കളിച്ച രാഹുല്‍ ഒരു സെഞ്ച്വറി നേടിയിട്ടുണ്ട്. 2015 ല്‍ സിഡ്‌നിയിലായിരുന്നു താരത്തിന്റെ സെഞ്ച്വറി നേട്ടം.
advertisement
അതേസമയം ഇതുവരെയും ഓസീസില്‍ രാഹുല്‍ ഏകദിന മത്സരം കളിച്ചിട്ടില്ല. നേരത്തെ ബ്രിസ്ബനില്‍ നടന്ന ടി20 യാണ് താരത്തിന്റെ ഓസീസ് മണ്ണിലെ ആദ്യ കുട്ടി ക്രിക്കറ്റ് മത്സരം.