വൻ കവർച്ച: ആലപ്പുഴയിൽ വീട് കുത്തിതുറന്ന് 67 പവൻ മോഷ്ടിച്ചു

സദാനന്ദന്റെ ജ്യേഷ്ഠൻ കഴിഞ്ഞ ദിവസം മരിച്ചിരുന്നു. ബന്ധുക്കൾ മരണാനന്തര ചടങ്ങുകൾക്കായി പോയതിനാൽ രാത്രി വീട്ടിൽ ആരും ഉണ്ടായിരുന്നില്ല. ഈ സമയത്താണ് മോഷണം നടന്നത്. ഏകദേശം നാല് കിലോമീറ്റർ അകലെയാണ് മരണവീട്. ഇവിടെ പോകാനുള്ള ധൃതിക്കിടെ കിടപ്പു മുറികൾ പൂട്ടാൻ മറന്ന് പോയിരുന്നു. ഇതും മോഷ്ടാക്കൾക്ക് സൗകര്യമായി.

Also Read-ഇൻഡോറിൽ പെൺമക്കളെ നിരന്തരം പീഡിപ്പിച്ച അച്ഛൻ അറസ്റ്റിൽ

മരണാനന്തര ചടങ്ങുകൾക്ക് ശേഷം കുടുംബം ഇന്ന് രാവിലെ വീട്ടിൽ തിരികെയെത്തിയപ്പോഴാണ് വാതിൽ തകർന്ന നിലയിൽ കണ്ടത്. തുടർന്ന് നടത്തിയ പരിശോധനയിൽ മോഷണം നടന്നതായി വ്യക്തമായി. സദാനന്ദന്റെ മരുമക്കളുടെയും പേരക്കുട്ടികളുടെയും സ്വർണ്ണമാണ് മോഷ്ടിക്കപ്പെട്ടത്. പൊലീസ് സംഭവ സ്ഥലത്തെത്തി പ്രാഥമിക പരിശോധന നടത്തി. ഡോഗ് സ്ക്വാഡും സ്ഥലത്തെത്തി പരിശോധന നടത്തി.

advertisement