ഇൻഡോറിൽ പെൺമക്കളെ നിരന്തരം പീഡിപ്പിച്ച അച്ഛൻ അറസ്റ്റിൽ

ഇക്കഴിഞ്ഞ ബുധനാഴ്ചയാണ് ഇയാൾ പിടിയിലാകുന്നത്. അറസ്റ്റിലായ ഇയാളെ കോടതിയിൽ ഹാജാരക്കിയ ശേഷം ജൂൺ12 വരെ ജുഡീഷ്യൽ കസ്റ്റഡയിൽ വിട്ടിരിക്കുകയാണ്. 15,17,19 വയസുള്ള പെണ്‍മക്കളെ കഴിഞ്ഞ നാല് വർഷമായി ഇയാൾ ലൈംഗികമായി പീഡിപ്പിച്ച് വരികയാണ്. പുറത്ത് പറഞ്ഞ് കൊലപ്പെടുത്തുമെന്ന് വാൾ ഉയർത്തിക്കാട്ടി ഭീഷണിപ്പെടുത്തുമായിരുന്നു. ഇത് ഭയന്നാണ് കുട്ടികൾ വിവരം പുറത്ത് പറയാതിരുന്നത്. എന്നാണ് പൊലീസ് പറയുന്നത്.

Also Read-മറവി രോഗം ബാധിച്ച അമ്മയെ ബലാത്സംഗം ചെയ്ത മകൻ അറസ്റ്റിൽ

എന്നാൽ പീഡനം സഹിക്കവയ്യാതെ കുട്ടികൾ ഭീഷണി മറികടന്ന് അമ്മയോട് വിവരങ്ങൾ പറഞ്ഞതോടെയാണ് സംഭവം പുറത്തറിയുന്നത്. ഭർത്താവിന്റെ പ്രവർത്തികളെ ഭാര്യയും ചോദ്യം ചെയ്തതോടെ കുടുംബത്തെ ഒന്നടങ്കം കൊലപ്പെടുത്തുമെന്ന് ഇയാൾ ഭീഷണിപ്പെടുത്തി. ഇതോടെയാണ് പരാതിയുമായി മാതാവ് തന്നെ പൊലീസിനെ സമീപിച്ചത്. പരാതിയുടെ അടിസ്ഥാനത്തിൽ ബിൽഡിംഗ് കോൺട്രാക്ടറായ പ്രതിയെ പൊലീസ് അറസ്റ്റ് ചെയ്യുകയായിരുന്നു.