ലളിതം ഹിരണ്മയം; അഭയാ ഹിരണ്മയിയുടെ വസ്ത്രബ്രാൻഡിന് മോഡലായി അഭയക്കൊപ്പം അനുമോൾ

അഭയ ഹിരണ്മയി (Abhaya Hiranmayi) എന്ന പേര് മലയാള സിനിമാ പിന്നണി ഗാനരംഗത്ത് മാത്രമായി ഒതുക്കാൻ ഈ ഗായികയ്ക്ക് ആഗ്രഹമില്ല. രണ്ടു വർഷങ്ങൾക്ക് മുൻപ് അഭയ മറ്റൊരു കാര്യത്തിൽക്കൂടി തുടക്കമിട്ടിരുന്നു. പാട്ടുപോലെ അഭയക്ക് ഏറെ വൈദഗ്ധ്യമുള്ള മേഖലയാണ് ഫാഷൻ. പേരിന്റെ ഒരു ഭാഗം അടർത്തി അഭയ തന്റെ വസ്ത്രബ്രാൻഡിന് രൂപം നൽകി. 'ഹിരണ്മയ' എന്ന് പേരിട്ടു

ഹിരണ്മയയുടെ ഏറ്റവും പുതിയ 'ആനന്ദം' സിൽക്ക് സാരി കളക്ഷന്റെ മോഡലായി അഭയക്കൊപ്പം അനുമോളും എത്തുന്നു. കാഞ്ചീവരം സാരിയിലേക്ക് സമകാലീന ഡിസൈൻ ചേർത്തുപിടിപ്പിച്ചതാണ് ഹിരണ്മയയുടെ പുത്തൻ ശ്രേണി. അരികിൽ ഫ്ലോറൽ ഡിസൈനിന്റെ കാൻവാസ്‌ ആർട്ടും ഇഴചേർത്തിരിക്കുന്നു (തുടർന്ന് വായിക്കുക)

ഓരോ സാരിക്കും ഒരു കഥ പറയാനുണ്ട് എന്ന് പുത്തൻ ലോഞ്ചിനൊപ്പമുള്ള ക്യാപ്‌ഷനിൽ പറഞ്ഞിരിക്കുന്നു. പരമ്പരാഗത ശൈലിയിൽ ടോപ്‌ലെസ് ആയാണ് രണ്ടുപേരും സാരി അണിഞ്ഞിരിക്കുന്നത്. ബോൾഡ് ശൈലിക്ക് നിരവധിപ്പേർ കമന്റിൽ മറുപടി കൊടുത്തിരിക്കുന്നു

ഹിരണ്മയയുടെ ആദ്യ മോഡൽ ഉടമയായ അഭയ തന്നെയായിരുന്നു. സാരികളുടെ വിൽപ്പനയാണ് ഹിരണ്മയ കൊണ്ട് ലക്ഷ്യമിടുന്നത്. ഇടയ്ക്ക് അനുജത്തി വരദാ ജ്യോതിർമയിയും ഹിരണ്മയയുടെ മോഡലായിട്ടുണ്ട്

വീട്ടിൽ വെറുതെ നിന്നാൽ പോലും കണ്ടാൽ പുറത്തുപോകാൻ നിൽക്കുന്നുവെന്ന പോലെ വേഷധാരണം ചെയ്യാറുണ്ട് എന്ന് അഭയ ഹിരണ്മയി മുൻപൊരിക്കൽ പറഞ്ഞിരുന്നു. അഭയയുടെ ഈ ശൈലി പലർക്കും അതിശയമാണെന്ന് അവർ പറഞ്ഞിട്ടുണ്ട്

പരമ്പരാഗതമോ ആധുനികമോ ആയിക്കോട്ടെ, ഏതുവേഷം ധരിച്ചാലും അതിൽ മികച്ച ലുക്ക് നൽകാൻ അഭയ സ്റ്റൈലിങ്ങിൽ പ്രത്യേകം ശ്രദ്ധിക്കാറുണ്ട്. അഭയയുടെ ബോൾഡ് സ്റ്റൈലുകൾ പലപ്പോഴും സൈബർ ബുള്ളിയിങ്ങിനു പാത്രമായിട്ടുണ്ട്

മോഡലിംഗ് മേഖലയിലും അഭയ സജീവമാണ്. പലപ്പോഴായി സ്റ്റേജ് ഷോകളിൽ അഭയ സംഗീത പരിപാടി അവതരിപ്പിക്കാറുണ്ട്. ഏപ്രിൽ മാസത്തിൽ ജീവിതത്തിൽ ആദ്യമായി അഭയ സംഗീത കച്ചേരി അവതരിപ്പിച്ചിരുന്നു