'ഹാപ്പി ബർത്ത്ഡേ ഉണ്ണിച്ചേട്ടാ'; ഉണ്ണി മുകുന്ദന് പിറന്നാൾ ആശംസകൾ നേർന്ന് അനുശ്രീ

പ്രേക്ഷകരുടെ ഇഷ്ടതാരമായ നടൻ ഉണ്ണി മുകുന്ദന്റെ 37ാം ജന്മദിനമാണിന്ന്. പിറന്നാൾ ദിനത്തിൽ ഉണ്ണിക്ക് ആശംസകളുമായി എത്തിയിരിക്കുകയാണ് നടി അനുശ്രീ.

'ഹാപ്പി ബർത്ത്ഡേ ഉണ്ണിച്ചേട്ടാ', എന്നാണ് താരം കുറിച്ചത്. ഉണ്ണിയോടൊപ്പമുള്ള ചിത്രവും താരം പങ്കുവെച്ചു. 'തത്സമയം ഒരു പെൺകുട്ടി' എന്ന ചിത്രത്തിലെ 'എന്തേ ഹൃദയതാളം മുറുകിയോ' എന്ന മനോഹര ഗാനത്തിന്റെ പശ്ചാത്തല സംഗീതത്തിന് ഒപ്പമാണ് ചിത്രം പങ്കുവെച്ചിരിക്കുന്നത്.

നിരവധി പേരാണ് ചിത്രത്തിന് താഴെ കമന്റുകളുമായി എത്തുന്നത്. ബർത്ത്ഡേ വിഷുകളെക്കാൾ നിറയുന്നത് ഇരുവരും നല്ല ജോഡികളായി തോന്നുന്നുണ്ടെന്നും ജീവിതത്തിൽ നിങ്ങൾ ഒന്നിച്ച് കൂടെ, വിവാഹിതരായിക്കൂടെ എന്നൊക്കെയുള്ള കമന്റുകളാണ്.

അനുശ്രീയുടെ അടുത്ത സുഹൃത്തുക്കളിലൊരാളാണ് ഉണ്ണിമുകുന്ദന്‍. ഇരുവരെ പറ്റി പല തരത്തിലുള്ള ഗോസിപ്പുകളും സോഷ്യൽ മീഡിയയിൽ ഉയരാറുണ്ട്. രണ്ടുപേരും വിവാഹിതാരാകാൻ പോകുന്നു എന്ന തരത്തിലുള്ള ഗോസിപ്പുകൾ വരെ ഉയർന്നിരുന്നു.

അതേസമയം, ബിഗ് ബജറ്റ് ചിത്രമായ 'മാർക്കോ'യാണ് ഉണ്ണിമുകുന്ദൻ്റെ ഇനി വരാനിരിക്കുന്ന ചിത്രം. ഹനീഫ് അദേനിയാണ് ചിത്രം സംവിധാനം ചെയ്യുന്നത്. ചിത്രത്തിന്റെ സെക്കന്റ് ലുക്ക് പോസ്റ്റർ ഉണ്ണിയുടെ ജന്മദിനമായ ഇന്ന് വൈകുന്നേരം 5 മണിക്ക് പുറത്ത് വരും.

മുഖം നിറയെ ചോരപ്പാടുകളുമായി ചോര പിടയുന്ന കത്തിയും വായിൽ തിരുകി നായകനായ മാർക്കോയുടെ ഫസ്റ്റ് ലുക്ക് പോസ്റ്റർ പുറത്തു വന്നിരുന്നു.