Sindhu Krishna | ഞങ്ങളുടെ ആഗ്രഹങ്ങൾ നിറവേറ്റാൻ ത്യാഗങ്ങൾ സഹിക്കേണ്ടി വന്ന അമ്മ; സിന്ധു കൃഷ്ണയ്ക്ക് അഹാനയുടെ ജന്മദിനാശംസ

അച്ഛനമ്മമാരുടെ ത്യാഗോജ്വല ജീവിതമാണ് പലപ്പോഴും മക്കളുടെ ജീവിത വിജയത്തിന്റെ ചവിട്ടുപടി എന്ന് പറയാറുണ്ട്. അമ്മ സിന്ധു കൃഷ്ണയുടെ (Sindhu Krishna) 52-ാം ജന്മദിനത്തിന് അഹാന (Ahaana Krishna) പോസ്റ്റ് ചെയ്ത കുറിപ്പിലും അതാണ് വിഷയം. ഒന്നും രണ്ടുമല്ല, നാല് പെൺകുട്ടികളെ ഒരു കുറവും നേരിടാത്ത വിധം വളർത്താൻ അമ്മ നേരിട്ട വെല്ലുവിളികളെക്കുറിച്ച് അഹാന പണ്ടും പറഞ്ഞിട്ടുണ്ട്

അമ്മയുടെ യൗവനവും, വിവാഹവും മുതൽ ഈ ദിവസം വരെയുള്ള ലുക്കുകൾ ചേർത്ത ഒരു വീഡിയോ ആണ് അഹാനയുടെ പോസ്റ്റിൽ. അഹാനയുമായി നല്ല മുഖഛായയുണ്ട് സിന്ധുവിന്. 35 വർഷങ്ങൾ കൊണ്ട് എത്ര മനോഹാരിയായി അമ്മ ഉയർന്നു എന്ന് അഹാന (തുടർന്ന് വായിക്കുക)

എല്ലാത്തിലും പൊതുവായി കാണുന്നത് അമ്മയുടെ മനോഹരമായ പുഞ്ചിരിയാണ്. അതിനർത്ഥം അമ്മ എപ്പോഴും ചിരിക്കുന്നു എന്നല്ല, പക്ഷെ ഒരു ദിവസം അവസാനിക്കുമ്പോൾ അമ്മ ചിരിക്കാൻ ഒരു കാരണം കണ്ടെത്തിയിരിക്കും എന്നാണ്...

അവിസ്മരണീയവും മനോഹരവുമായ ഒരു ബാല്യകാലം ഞങ്ങൾക്ക് നൽകാൻ അമ്മയ്ക്കും അച്ഛനും കഴിഞ്ഞതിന്റെ കാരണം ആ മനോഭാവമാണ്. വളരുമ്പോൾ ഞങ്ങൾക്ക് ആവശ്യമായതെല്ലാം നൽകാൻ അമ്മ ഒരുപാട് ത്യാഗങ്ങൾ സഹിക്കേണ്ടി വന്നിട്ടുണ്ടെന്ന് എനിക്കറിയാം...

ആ ത്യാഗങ്ങൾ അമ്മയ്ക്ക് ചെയ്യേണ്ടി വന്നുവെന്ന സാഹചര്യം ഞാൻ വെറുക്കുന്നു. വർഷങ്ങളായി അമ്മ ത്യജിച്ച എല്ലാത്തിനും പകരം എനിക്ക് കഴിയുന്നതെല്ലാം നിങ്ങൾക്ക് നൽകുക എന്നതാണ് എനിക്ക് ഇപ്പോൾ ചെയ്യാൻ കഴിയുന്നത്...

എന്റെ എല്ലാ സ്വപ്നങ്ങളിലും അമ്മയും കൂടിയുണ്ട്. അമ്മകൂടി അരികിൽ ഉള്ളപ്പോൾ വേണം എന്റെ എല്ലാ സ്വപ്നങ്ങളും പൂവണിയാൻ എന്ന് ഞാനാഗ്രഹിക്കുന്നു. അമ്മയ്ക്ക് വീണ്ടും ജന്മദിനാശംസകൾ നേരുന്നു. ഇനിയുള്ള എല്ലാ ജന്മങ്ങളിലും എന്റെ അമ്മയായി വരണം,' അഹാന കുറിച്ചു