Mammootty| മമ്മൂട്ടിയുടെ ‍ഡയറ്റ് പ്ലാൻ എന്താണെന്ന് അറിയാമോ? ആരോ​ഗ്യ ​രഹസ്യം വെളിപ്പെടുത്തി ഡയറ്റീഷ്യൻ

മലയാളികളുടെ സ്വകാര്യ അഹങ്കാരമാണ് മമ്മൂട്ടി. പ്രായം എത്രയൊക്കെ ആയാലും ചെറുപ്പം നിലനിർത്താൻ മമ്മൂട്ടിയ്ക്ക് കഴിയുന്നുണ്ട്. അദ്ദേഹത്തിന‍് ചെറുപ്പം നിലനിർത്താൻ സാധിക്കുന്നത് നല്ലൊരു ലൈഫ് സ്റ്റെൽ ഉള്ളതിനാലാണ്. പലരും അദ്ദേഹത്തിന്റെ ഡയറ്റ് പ്ലാനിനെ കുറിച്ചും ചികയാറുണ്ട്. എല്ലാവരും കേൾക്കാൻ ആ​ഗ്രഹിച്ച മമ്മൂട്ടിയുടെ ഡയറ്റ് പ്ലാനിനെ കുറിച്ചും ലൈഫ് സ്റ്റൈലിനെകുറിച്ചും വെളിപ്പെടുത്തൽ നടത്തിയിരിക്കുകയാണ് അദ്ദേഹത്തിന്റെ ഡയറ്റീഷ്യനായ നതാഷ മോഹൻ.

ഫെയ്സ്ബുക്ക് പോസ്റ്റിലൂടെയാണ് മമ്മൂട്ടിയുടെ ഡയറ്റ് പ്ലാനിനെ കുറിച്ച് നതാഷ വിവരിച്ചത്. മമ്മൂട്ടി സർ എന്താണ് കഴിക്കുന്നത്! സൂപ്പർ സ്റ്റാർ മമ്മൂട്ടിയുടെ ജീവിതശൈലിയിൽ നിന്ന് പ്രചോദനം ഉൾക്കൊണ്ട ഡയറ്റ് പ്ലാൻ ടിപ്പുകൾ എന്ന ക്യാപ്ഷനോടെയാണ് നതാഷ വിവരിച്ചിരിക്കുന്നത്.

1. സമീകൃത ആഹാരം: സമീകൃത ഭക്ഷണത്തിലും പ്രോട്ടീനുകൾ, ആരോഗ്യകരമായ കൊഴുപ്പുകൾ, കോപ്ലക്സ് കാർബോഹൈഡ്രേറ്റുകൾ എന്നിവ ഭക്ഷണത്തിൽ ഉൾപ്പെടുത്തും. .2. ജലാംശം: ശരീരത്തിൽ ജലാംശം നിലനിർത്താൻ മമ്മൂട്ടി എപ്പോഴും ശ്രദ്ധിക്കുന്നു. ദിവസം മുഴുവൻ ധാരാളം വെള്ളം കുടിക്കുകയും പഴങ്ങളും പച്ചക്കറികളും പോലുള്ള ജലാംശം നൽകുന്ന സാധനങ്ങളും ഭക്ഷണത്തിൽ ഉൾപ്പെടുത്തും.

3. പോഷകങ്ങളുടെ ആഗിരണം: പരമാവധി പോഷകങ്ങളും ആന്റിഓക്സിഡന്റുകളും ലഭിക്കാൻ പഴങ്ങളും പച്ചക്കറികളും ഭക്ഷണത്തിൽ ഉൾപ്പെടുത്തും. 4. നിയന്ത്രണം: മിതത്വം പ്രധാനമാണ്, രുചിയിൽ വിട്ടു വീഴ്ച ചെയ്യാതെ ആരോഗ്യകരമായ ഭാരം നിലനിർത്താനും സഹായിക്കുന്നു.

5. ഹോൾ ഫുഡ്സ്: മികച്ച ഊർജം ലഭിക്കാനും മൊത്തത്തിലുള്ള ആരോഗ്യത്തിനും വേണ്ടി സംസ്‌കരിക്കാത്ത ഭക്ഷണങ്ങളിൽ ശ്രദ്ധ കേന്ദ്രീകരിക്കുക. പഞ്ചസാരയുടെയും ജങ്ക് ഫുഡിന്റെയും ഉപയോ​ഗം കുറയ്ക്കും. 6. കൃത്യസമയത്തുള്ള ഭക്ഷണം: ഊർജ്ജ നില സ്ഥിരമായി നിലനിർത്തുന്നതിനും അമിത ആസക്തി ഒഴിവാക്കുന്നതിനും കൃത്യസമയങ്ങളിൽ ഭക്ഷണം കഴിക്കണം. ഇടനേരത്ത് വിശക്കുന്നുണ്ടെങ്കിൽ ചെറിയ ലഘുഭക്ഷണങ്ങൾ കഴിക്കാം.

7. ആസ്വദിച്ച് കഴിക്കുക: വിശപ്പിന്റെ സൂചനകൾ ശ്രദ്ധിച്ച്, ഓരോ ഭക്ഷണത്തിന്റെയും രുചി ആസ്വദിക്കുക. ഇത് മികച്ച ദഹനത്തെ ഏറെ സഹായകമാണ്. 8. സജീവമായ ജീവിതശൈലി: പതിവായി വ്യായാമം ചെയ്യുന്ന വ്യക്തിയാണ് മമ്മൂട്ടി. അദ്ദേഹത്തെപ്പോലെ ഊർജ്ജസ്വലനായിരിക്കുന്നതിന് വ്യായാമവും പോഷകാഹാരവും ഒരുപോലെ പിന്തുടരാവുന്നതാണ്.