IPL 2021| ഐപിഎൽ വേദികളിൽ പ്രത്യക്ഷപ്പെട്ട് വൈറലായി മാറിയ 'നിഗൂഢ സുന്ദരിമാർ' - ചിത്രങ്ങൾ

<strong>കാവ്യ മാരന്‍ :</strong> 2018ലെ ഐപിഎല്ലിനിടെയാണ് കാവ്യയുടെ മുഖം ആദ്യമായി ശ്രദ്ധിക്കപ്പെടുന്നത്. അന്നു കൊല്‍ക്കത്ത നൈറ്റ്‌റൈഡേഴ്‌സും എസ്ആര്‍എച്ചും തമ്മിലുള്ള കളിക്കിടെ പല തവണ കാവ്യയുടെ മുഖം ക്യാമറക്കണ്ണില്‍ പതിഞ്ഞിരുന്നു.

മുന്‍ ചാമ്പ്യന്മാരായ സണ്‍റൈസേഴ്‌സ് ഹൈദരാബാദിന്റെ മല്‍സരങ്ങളില്‍ സ്റ്റേഡിയത്തിലെ സ്ഥിരം സാന്നിധ്യമായിരുന്നു കാവ്യ മാരന്‍. എന്നാല്‍ ഈ സുന്ദരി ചില്ലറക്കാരിയല്ല. സൺറൈസേഴ്‌സ് ടീമിന്റെ ഉടമയായ കലാനിധി മാരന്റെ മകളായ കാവ്യ സണ്‍റൈസേഴ്‌സ് ഹൈദരാബാദ് ഫ്രാഞ്ചൈസിയുടെ സിഇഒ കൂടിയാണ്

കാവ്യയുടെ ആഹ്ളാദപ്രകടനവും ടീമിന്റെ വിക്കറ്റ് വീഴുമ്പോഴുള്ള നിരാശയുമെല്ലാം ക്രിക്കറ്റ് പ്രേമികള്‍ക്കിടയില്‍ ഏറെ ശ്രദ്ധിക്കപ്പെട്ടിരുന്നു.

<strong>ആശ്രിത ഷെട്ടി :</strong> സണ്‍റൈസേഴ്‌സ് ഹൈദരാബാദുമായി അടുത്ത ബന്ധമുള്ളയാളാണ് ഐപിഎല്ലിലെ മറ്റൊരു 'നിഗൂഢ സുന്ദരി യായ' ആശ്രിത ഷെട്ടി. തെലുങ്ക് നടിയാണ് ഈ സുന്ദരി. 2012ല്‍ വെള്ളിത്തിരയില്‍ അരങ്ങേറിയ ആശ്രിത അഞ്ച് സിനിമകളിലാണ് ഇതുവരെ അഭിനയിച്ചിട്ടുള്ളത്.

ഈ സീസണിലെ ആദ്യ ഘട്ടത്തില്‍ ഇവര്‍ എസ്ആര്‍എച്ചിന്റെ മല്‍സരങ്ങളിലെ സാന്നിധ്യമാവാന്‍ ഒരു കാരണം കൂടിയുണ്ട്. ടീമിലെ സ്റ്റാര്‍ ബാറ്റ്‌സ്മാന്‍ മനീഷ് പാണ്ഡെയുടെ ഭാര്യയാണ് ആശ്രിത. 2019 ഡിസംബറില്‍ മുംബൈയില്‍ വച്ചായിരുന്നു ഇവരുടെ വിവാഹം.

<strong>മാൽതി ചാഹർ :</strong> 2018ല്‍ ചെന്നൈ സൂപ്പര്‍ കിങ്‌സും മുംബൈ ഇന്ത്യന്‍സും തമ്മിലുള്ള ആവേശകരമായ പോരാട്ടത്തിനിടെയാണ് സുന്ദരിയായ ഈ ആരാധികയെ ക്യാമറക്കണ്ണുകൾ ഒപ്പിയെടുക്കുന്നത്. മത്സരത്തിനിടയിൽ ഇവരുടെ ആകാംക്ഷയും ആഹ്ളാദപ്രകടനങ്ങളുമെല്ലാം വൈറലായി മാറിയിരുന്നു. ഇവർ ആരാണെന്നതിനെ കുറിച്ച് സമൂഹമാധ്യമങ്ങളിൽ വലിയ ചർച്ച നടന്നിരുന്നു. പിന്നീടാണ് ഇവർ ചെന്നൈ ടീമിലെ പേസർ ദീപക് ചാഹറിന്റെ സഹോദരിയാണെന്ന് വ്യക്തമായത്.

ദീപക് മാത്രമല്ല മാല്‍തിയുടെ മറ്റൊരു സഹോദരനും സ്പിന്നറുമായ രാഹുല്‍ ചാഹറും ഐപിഎല്ലില്‍ കളിക്കുന്നുണ്ട്. രോഹിത് ശര്‍മയുടെ മുംബൈ ഇന്ത്യന്‍സ് ടീമിന്റെ ഭാഗമാണ് താരം. പക്ഷെ മാല്‍തിക്കു പ്രിയം സിഎസ്‌കെയോടാണെന്നു മാത്രം.

സിഎസ്‌കെ ടീമിന്റെ കടുത്ത ആരാധിക കൂടിയായ മാല്‍തി പിന്നീട് പ ല മല്‍സരങ്ങളിലും ടീമിനെ ആര്‍പ്പുവിളിക്കുന്നത് കണ്ടു. സിഎസ്‌കെയുടെ മാത്രമല്ല ക്യാപ്റ്റന്‍ എംഎസ് ധോണിയുടെയും കട്ട ഫാന്‍ കൂടിയാണണ് ഇവര്‍. മാല്‍തിയുടെ ഇന്‍സ്റ്റഗ്രാം അക്കൗണ്ടില്‍ ധോണിയുടെ നിരവധി ഫോട്ടോസ് കാണാം. ധോണിക്കൊപ്പമുള്ള ചിത്രങ്ങളും മാല്‍തി പങ്കുവച്ചിരുന്നു.

യുഎഇയിൽ ദുബായ് അന്താരാഷ്ട്ര സ്റ്റേഡിയത്തിൽ സെപ്റ്റംബർ 19 ഞായറാഴ്ച നിലവിലെ ചാമ്പ്യന്മാരായ രോഹിത് ശർമയുടെ മുംബൈ ഇന്ത്യൻസും എം എസ് ധോണിയുടെ ചെന്നൈ സൂപ്പർ കിങ്‌സും തമ്മിലുള്ള മത്സരത്തോടെയാണ് രണ്ടാം പാദം തുടക്കമാകുന്നത്.