കത്രീന മുതൽ ഫറാ ഖാൻ വരെ; 40 വയസ്സിനു ശേഷം അമ്മയായ 8 പ്രമുഖ നടികൾ!

നമ്മുടെ സമൂഹത്തിൽ ഒരു സ്ത്രീയ്ക്ക് വിവാഹിതയാകാനും അമ്മയാകാനും ഒരു പ്രായം നിശ്ചയിച്ചിട്ടുണ്ട്. ഈ ചട്ടക്കൂടുകൾ തകർത്ത് അമ്മയാകാൻ പ്രായപരിധി ഇല്ലെന്ന് തെളിയിച്ച 8 ബോളിവുഡ് സുന്ദരികളെ പരിചയപ്പെടാം. ഈ കഴിഞ്ഞ സെപ്റ്റംബർ 23 ചൊവ്വാഴ്ചയാണ് നടി കത്രീന കൈഫ് (Katrina Kaif ) തന്റെ ആദ്യ കുഞ്ഞിനെ കാത്തിരിക്കുന്ന വിവരം സമൂഹമാധ്യമങ്ങളിലൂടെ പങ്കുവച്ചത്. തന്റെ 42 വയസിലാണ് നടി കുഞ്ഞിനെ വരവേൽക്കാൻ ഒരുങ്ങുന്നതെന്നത് ശ്രദ്ധേയമാണ്‌.

ബോളിവുഡ് നടി കരീന കപൂർ (Kareena Kapoor)നാല്പതാം വയസ്സിൽ രണ്ടാമതും അമ്മയായി. 2021-ലാണ് കരീന കപൂർ തന്റെ രണ്ടാമത്തെ മകനായ 'ജെഹി'ന് ജന്മം നൽകിയത്. നാല്പതാം വയസ്സിലാണ് താരം വീണ്ടും മാതൃത്വത്തിലേക്ക് കടന്നത്.

ബോളിവുഡ് താരമായ നേഹ ധൂപിയ (Neha Dhupia) 40 വയസ്സുള്ളപ്പോഴാണ് രണ്ടാമത്തെ കുഞ്ഞിന് ജന്മം നൽകിയത്. നടിയുടെ രണ്ടാമത്തെ മകൻ, ഗുരിഖ്, 2021-ലാണ് ജനിച്ചത്.

ബോളിവുഡ് താരം പ്രീതി സിന്റയും (Preity Zinta) ഭർത്താവ് ജീൻ ഗുഡ്ഇനഫും 46-ാം വയസ്സിൽ മാതാപിതാക്കളായി. 2021 നവംബറിലാണ് വാടക ഗർഭധാരണത്തിലൂടെ (Surrogacy) ഇവർക്ക് ഇരട്ടക്കുട്ടികൾ പിറന്നത്. ആൺകുട്ടിക്കും പെൺകുട്ടിക്കും ജയ്, ജിയ എന്നിങ്ങനെയാണ് താരദമ്പതികൾ പേരിട്ടിരിക്കുന്നത്.

നടി ശിൽപ ഷെട്ടി (Shilpa Shetty) 45-ാം വയസ്സിൽ വാടക ഗർഭധാരണത്തിലൂടെ (Surrogacy) രണ്ടാമതും അമ്മയായി. മകൾ സമീഷ ഷെട്ടി കുന്ദ്ര 2020-ൽ ആണ് ജനിച്ചത്.

ബോളിവുഡ് നടി ബിപാഷ ബസു (Bipasha Basu) 43-ാം വയസ്സിൽ അമ്മയായി. ഭർത്താവ് കരൺ സിംഗ് ഗ്രോവറിനൊപ്പമുള്ള മകൾ 'ദേവി'ക്ക് 2022-ലാണ് താരം ജന്മം നൽകിയത്.

ഫിലിം മേക്കറും, കൊറിയോഗ്രാഫറുമായ ഫറാ ഖാൻ (Farah Khan) 43-ാം വയസ്സിൽ മുന്ന് ഇരട്ടക്കുട്ടികൾക്ക് (Triplets) അമ്മയായി. സിസാർ, അന്യ, ദിവ എന്നിങ്ങനെയാണ് കുട്ടികളുടെ പേരുകൾ.

ബോളിവുഡ് നടി ദിയ മിർസ (Dia Mirza) 40 വയസ്സിനടുത്ത് പ്രായമുള്ളപ്പോഴാണ് മകൻ അവ്യാൻ ആസാദിന് ജന്മം നൽകിയത്.

ബോളിവുഡ് നടി അനിത ഹസ്സനന്ദാനിക്ക് (Anita Hassanandani) 40 വയസ്സോടടുത്തപ്പോഴാണ് ആദ്യത്തെ കുഞ്ഞ് പിറന്നത്. മകൻ ആരവ് 2021-ലാണ് ജനിച്ചത്.