Ranveer Singh | ഭാര്യ ദീപിക ഗർഭിണിയായിരിക്കെ രൺവീറിന് എന്തുപറ്റി! നടന്റെ പെരുമാറ്റത്തിൽ സംശയിച്ച്‌ സോഷ്യൽ മീഡിയ

ആദ്യത്തെ കുഞ്ഞിനായുള്ള കാത്തിരിപ്പിലാണ് നടി ദീപികാ പദുകോണും (Deepika Padukone) ഭർത്താവ് രൺവീർ സിങ്ങും. 2018ൽ ആയിരുന്നു ഇവരുടെ വിവാഹം. ഫെബ്രുവരിയിൽ തങ്ങൾക്ക് സെപ്റ്റംബർ മാസത്തിൽ കുഞ്ഞുപിറക്കും എന്ന് സൂചനയുള്ള പോസ്റ്റ് ദീപികയുടെ പേജിൽ പ്രത്യക്ഷപ്പെട്ടു. 2018 നവംബറിൽ ദീപികയുടെ കൊങ്കണി, രൺവീറിൻ്റെ സിന്ധി കുടുംബ പാരമ്പര്യങ്ങളിൽ നിന്നും പ്രചോദനം ഉൾക്കൊണ്ടുള്ള ചടങ്ങുകളിലായിരുന്നു വിവാഹം നടന്നത്

രണ്ട് വിവാഹങ്ങളിൽ നിന്നുള്ള ഹൃദയസ്പർശിയായ ഫോട്ടോകളുടെ ഒരു പരമ്പര ദീപികയും രൺവീറും അവരുടെ പേജുകളിൽ പോസ്റ്റ് ചെയ്തത് ആരാധകർ ഓർക്കും. ഇപ്പോൾ ആദ്യത്തെ കുഞ്ഞിനായുള്ള കാത്തിരിപ്പിന്റെ വേളയിൽ എന്താണ് രൺവീറിന് സംഭവിക്കുന്നത് എന്നാണ് സോഷ്യൽ മീഡിയയുടെ ചോദ്യം (തുടർന്ന് വായിക്കുക)

ദീപികയ്‌ക്കൊപ്പം തൻ്റെ ആദ്യത്തെ കുഞ്ഞിനെ പ്രതീക്ഷിക്കുന്ന രൺവീർ ഇപ്പോൾ ദമ്പതികളുടെ വിവാഹ ചിത്രങ്ങൾ തൻ്റെ അക്കൗണ്ടിൽ നിന്ന് നീക്കം ചെയ്തിരിക്കുന്നു. ഫോട്ടോകൾ നീക്കം ചെയ്തതാണോ അതോ ആർക്കൈവ് ചെയ്തതാണോ എന്ന് വ്യക്തമല്ല

രൺവീറിൻ്റെ ഇൻസ്റ്റഗ്രാം അക്കൗണ്ടിൽ 133 പോസ്റ്റുകളുണ്ട്. ആദ്യ പോസ്റ്റ് 2023 ജനുവരിയിലേതാണ്. അദ്ദേഹം ഒരു സ്‌പോർട്‌സ് വെയർ ബ്രാൻഡ് പ്രൊമോട്ട് ചെയ്യുന്ന വേളയിലെ പോസ്റ്റ് ആണിത്. അതേസമയം ദീപിക തൻ്റെ ഗ്രിഡിൽ ഫോട്ടോകൾ നിലനിർത്തിയിട്ടുണ്ട്. രൺവീറിൻ്റെ ടൈംലൈനിൽ ദീപികയ്‌ക്കൊപ്പമുള്ള മറ്റ് സമീപകാല ഫോട്ടോകൾ ഇപ്പോഴും കാണാം

രൺവീറിൻ്റെയും ദീപികയുടെയും ബേബിമൂൺ യാത്രയ്ക്കിടയിലാണ് സോഷ്യൽ മീഡിയയിലെ പെട്ടെന്നുള്ള മാറ്റം. രൺവീറിന്റെ പെട്ടെന്നുള്ള പെരുമാറ്റത്തിന് കാരണം എന്തെന്ന് അന്വേഷിക്കുകയാണ് സോഷ്യൽ മീഡിയയും ആരാധകരും

ദീപിക ഇപ്പോൾ 'സിങ്കം എഗെയ്ൻ' എന്ന ചിത്രത്തിൻ്റെ ഷൂട്ടിംഗിലാണ്. സെറ്റിൽ വെച്ച് ദീപിക അടുത്തിടെ തനിക്കൊപ്പം പ്രവർത്തിക്കുന്ന ജൂനിയർ ആർട്ടിസ്റ്റുകൾക്കൊപ്പം പോസ് ചെയ്തിരുന്നു. പ്രെഗ്നൻസി ഗ്ലോയിലെ ഫോട്ടോ എല്ലാവരുടെയും ശ്രദ്ധ പിടിച്ചുപറ്റി

സിങ്കം എഗെയ്‌നിൽ ഒരു പോലീസ് ഓഫീസറുടെ വേഷത്തിലാണ് അവർ അഭിനയിക്കുന്നത്. സിങ്കം എഗെയ്‌നിൽ രൺവീർ സിങ്ങും അഭിനയിക്കും. സിംബ എന്ന കഥാപാത്രത്തെ വീണ്ടും അവതരിപ്പിക്കും. ഡോൺ 3യുടെ ചിത്രീകരണം ഈ വർഷം തന്നെ താരം ആരംഭിക്കുമെന്നാണ് പ്രതീക്ഷിക്കുന്നത്