എന്താ പരിപാടി? രശ്‌മിക മന്ദാനയുടെ കൈപിടിച്ച വിജയ് ദേവരകൊണ്ടയുടെ ചിത്രം പുതിയ ചർച്ചകൾക്ക് വഴിതുറക്കുന്നു

വിജയ് ദേവരകൊണ്ടയും (Vijay Deverakonda) രശ്മിക മന്ദാനയും (Rashmika Mandanna) ഗീതാ ഗോവിന്ദം എന്ന സിനിമയുടെ അഞ്ചാം വാർഷികം ഈ മാസം ആഘോഷിച്ചു. ഈ അവസരത്തിൽ, വിജയ് തന്റെ ഇൻസ്റ്റഗ്രാമിൽ, രശ്മികയ്‌ക്കൊപ്പമുള്ള ചിത്രങ്ങൾ പങ്കിട്ടു. വിജയുടെയും രശ്മികയുടെയും ബന്ധത്തെക്കുറിച്ചുള്ള ഊഹാപോഹങ്ങൾക്കിടയിലാണ് ഈ ചിത്രങ്ങൾ പുറത്തുവന്നത്. അവർ ഡേറ്റിംഗിൽ ആണെന്ന് കിംവദന്തികൾ ഉണ്ടായിരുന്നു

ഈ വർഷം ഏപ്രിലിൽ, തെലുങ്ക് നടൻ ബെല്ലംകൊണ്ട സായ് ശ്രീനിവാസിനോട് രശ്മികയ്ക്ക് പ്രണയമായിരുന്നുവെന്ന് റിപ്പോർട്ടുകൾ പുറത്തുവന്നു. എന്നാൽ ഈ വാർത്തകൾ അടിസ്ഥാനരഹിതമാണെന്ന് ശ്രീനിവാസ് പിന്നീട് വ്യക്തമാക്കി. രശ്മികയുടെയും വിജയ്‌യുടെയും ഒരു സ്വകാര്യ വിനോദയാത്ര പോലെ തോന്നിക്കുന്ന ഒരു വീഡിയോയും സോഷ്യൽ മീഡിയയിൽ പ്രചരിക്കുകയുണ്ടായി (തുടർന്ന് വായിക്കുക)

അവരുടെ ബന്ധത്തെക്കുറിച്ച് ആരാധകർക്ക് ആകാംക്ഷ നൽകുകയും ചെയ്തു. രശ്മികയോ വിജയോ ഈ ബന്ധം പരസ്യമായി സ്ഥിരീകരിക്കുകയോ നിഷേധിക്കുകയോ ചെയ്തിട്ടില്ല

ഇതിനെല്ലാം ഇടയിൽ, വിജയ് ഇൻസ്റ്റാഗ്രാം സ്റ്റോറിയിൽ ഒരു സ്ത്രീയുടെ കൈപിടിച്ച് നിൽക്കുന്ന ഒരു ഫോട്ടോ പങ്കിടുകയും അതിന് അടിക്കുറിപ്പ് നൽകുകയും ചെയ്തു, 'പല കാര്യങ്ങൾ സംഭവിക്കുന്നു, പക്ഷേ ഇത് ശരിക്കും സവിശേഷമാണ് . പ്രഖ്യാപനം ഉടൻ' എന്നായിരുന്നു ക്യാപ്‌ഷൻ

രശ്മികയ്‌ക്കൊപ്പമുള്ള ഒരു പുതിയ ചിത്രത്തെക്കുറിച്ചാണോ പോസ്റ്റ് എന്ന് ഊഹിക്കാൻ ആരാധകർ ട്വിറ്ററിൽ കൂട്ടംകൂടി. ഇനി ഇത് ഡിയർ കോമ്രേഡ് 2 ആണോ എന്ന് പോലും പലരും സംശയിച്ചു

ഗീത ഗോവിന്ദം അഞ്ച് വയസ്സ് പൂർത്തിയായതും, രശ്മിക മന്ദാനയും വിജയ് ദേവരകൊണ്ടയെ പ്രശംസിക്കുകയും നന്ദി അറിയിക്കുകയും ചെയ്തു. സമാന്ത റൂത്ത് പ്രഭുവിനൊപ്പം 'ഖുശി' എന്ന ചിത്രത്തിലാണ് വിജയ് അടുത്തതായി അഭിനയിക്കുന്നത്