അന്നത്തെ SFI ക്കാരനായ പൊടിമീശക്കാരൻ ഇന്നത്തെ കേന്ദ്രമന്ത്രി; സഹപാഠി പ്രതിപക്ഷത്തെ തീപ്പൊരി എംപി

ലോക്സഭ തിരഞ്ഞെടുപ്പിൽ തൃശൂർ മണ്ഡലത്തിൽ നിന്ന് ചരിത്ര വിജയം നേടി കേന്ദ്രമന്ത്രിസഭയിൽ അംഗമാകാൻ ഒരുങ്ങിയിരിക്കുകയാണ് സുരേഷ് ഗോപി. സത്യപ്രതിജ്ഞയ്ക്കായി സുരേഷ് ഗോപിയും കുടുംബവും ഡൽഹിയിലേക്ക് പുറപ്പെട്ടു.

ഈ സമയത്ത് അദ്ദേഹത്തിന്റെ കുടുംബവും സുഹൃത്തുക്കളും ഏറെ ആകാംഷയിലും സന്തോഷത്തിലുമാണ്. ഈ അവസരത്തിൽ കോളേജ് പഠനകാലത്തെ പൊടിമീശക്കാരനായ സുരേഷ് ഗോപിയുടെ ഓർമ്മകൾ ഓർത്ത് എടുക്കുകയാണ് സഹപാഠി ഇന്നസെന്റ്.

കൊല്ലത്തെ ഫാത്തിമ മാതാ കോളേജിലാണ് സുരേഷ് ഗോപി വിദ്യാഭ്യാസം പൂർത്തിയാക്കിയത്. 1975-80 കാലഘട്ടങ്ങളിലാണ് സുരേഷ് ഫാത്തിമ മാതാ കോളേജിൽ പഠിച്ചത്. ഇവിടെ നിന്ന് ഇംഗ്ലീഷിൽ ബിരുദാനന്തരബിരുദവും നേടിയതിനു ശേഷമാണ് മടങ്ങിയത്.

സുരേഷ് ഗോപി ആദ്യമായി തിരഞ്ഞെടുപ്പിൽ മത്സരിക്കുന്നതും ഈ കോളേജിൽ വച്ചാണ്. അന്ന് എസ്എഫ്ഐ പാനലിൽ സുവോളജി അസോസിയേഷൻ സെക്രട്ടറിയായാണ് സുരേഷ് ഗോപി കോളേജ് യൂണിയൻ തിരഞ്ഞെടുപ്പിൽ മത്സരിച്ചത്. അന്ന് മത്സരിച്ച് കോളേജിൽ നിന്ന് ജയിച്ചു.

കൊല്ലം എംപി എൻകെ പ്രേമചന്ദ്രനും സുരേഷ് ഗോപിയും ഒരുമിച്ച് ഒരു ക്ലാസിൽ പഠിച്ചതാണെന്നും അദ്ദഹം പറഞ്ഞു. എൻകെ പ്രേമചന്ദ്രനുമായുള്ള ക്ലാസ് ഫോട്ടോയും കയ്യിലുണ്ട്.

പഠനക്കാലത്തെ ഡോക്ടർ മോഹമായിരുന്നു സുരേഷ് ഗോപിക്കെന്നും ഇതിനായി കോച്ചിങ് ക്ലാസിൽ പോയിട്ടുണ്ടെന്നും ഇന്നസെന്റ് ഓർത്തെടുത്തു.