Throwback | ശെമ്മാങ്കുടിയെ കാണാൻ പോയ അമ്മയും കുഞ്ഞും; ആ കുഞ്ഞ് മലയാളികൾക്ക് സുപരിചിത

സംഗീത കുലപതി ശെമ്മാങ്കുടി ശ്രീനിവാസ അയ്യരെ കാണാനായി ഒരമ്മയും മകളും കൂടി പോകുമ്പോൾ മകൾക്കു പ്രായം രണ്ടു വയസ്സ്. മുത്തച്ഛനോടെന്നോണം ആ കുഞ്ഞ് അദ്ദേഹത്തിന്റെ മടിയിലിരുന്നു. ഒരു ഫോട്ടോയുമെടുത്തു. പിൽക്കാലത്ത് കുഞ്ഞ് ഗായികയായി മാറി എന്നത് തീർത്തും യാദൃശ്ചികം. തന്റെ കുട്ടിക്കാലത്തെ ചിത്രം പോസ്റ്റ് ചെയ്ത കുട്ടി മലയാളികൾക്ക് സുപരിചിതയാണ്

ആ കുഞ്ഞിന്റെ ഒന്നാം പിറന്നാളിന് പകർത്തിയ ചിത്രമാണിത്. മുഖം കണ്ടിട്ട് മനസിലാക്കാൻ സാധിക്കുന്നുവോ?? കുട്ടി നൽകിയ ക്യാപ്‌ഷൻ കൂടി വായിക്കാം: 'മടിയിലിരുത്തിയാത്തതുകൊണ്ടാണോ ചേർത്തു നിർത്തിയത് കൊണ്ടാണോ എന്നറിയില്ല അനുഗ്രഹിച്ചിട്ടുണ്ട് !!! എവ്‌ടെ നിന്നോ ഒരു കാറ്റടിച്ചിട്ടുണ്ട്... (തുടർന്ന് വായിക്കുക)

'എന്റെ അച്ഛന് മാത്രം ചെയ്യാൻ പറ്റുന്ന കാര്യങ്ങളിൽ ഒന്ന് ...മദ്രാസിൽ കലാക്ഷേത്രയിൽ ആനി കുട്ടീടെ സ്കോളർഷിപ്പിന് പോയപ്പോ 2 വയസുള്ള എന്നെ കൂട്ടീ അനുഗ്രഹം വാങ്ങാൻ പോയത്. സംഗീത കുലപതി ശ്രി ശെമ്മാങ്കുടി ശ്രീനിവാസ ഐയ്യർ'

അഭയ ഹിരണ്മയയുടെ അമ്മ ലതികയും പാട്ടുകാരി തന്നെയാണ്. അമ്മയും മകളും ചേർന്ന് ഒരു ഭക്തിഗാന കവർ സോംഗ് ചെയ്തിരുന്നു

കുറച്ചു ദിവസങ്ങൾക്കു മുൻപ് ഗായകൻ എം.ജി. ശ്രീകുമാർ അവതരിപ്പിച്ച ഷോയിൽ അഭയയും അമ്മയും പങ്കെടുത്തിരുന്നു. തന്റെ സംഗീത കരിയറിൽ ശ്രദ്ധ നൽകാൻ ഇനി സമയം നീക്കിവയ്ക്കുന്ന കാര്യത്തെക്കുറിച്ച് അഭയ ഗൗരവത്തോടെ സംസാരിച്ചിരുന്നു

ഒമർ ലുലു ചിത്രത്തിലൂടെ പിന്നണിഗാനരംഗത്തേക്ക് മടങ്ങിവരികയാണ് 'കോയിക്കോട്' ഗായിക അഭയ