Virat Kohli Birthday|ലോകത്തിലെ ഏറ്റവും സമ്പന്നരായ ഇന്ത്യൻ ക്രിക്കറ്റ് താരങ്ങൾ; മൂന്നാമനായി വിരാട് കോഹ്ലി

ഇന്ത്യൻ താരം വിരാട് കോഹ്ലിയുടെ 35ാം പിറന്നാളാണ് ഇന്ന്. ക്രിസ്റ്റ്യാനോ റൊണാൾഡോ, ലയണൽ മെസ്സി എന്നിവർ കഴിഞ്ഞാൽ ഇൻസ്റ്റഗ്രാമിൽ ഏറ്റവും കൂടുതൽ പേർ ഫോളോ ചെയ്യുന്ന കായിക താരം കൂടിയാണ് വിരാട് കോഹ്ലി.

ഫാൻ ഫോളോ മാത്രമല്ല, ലോകത്തിലെ സമ്പന്നരായ ക്രിക്കറ്റ് താരങ്ങളുടെ പട്ടികയിലും ഇന്ത്യയുടെ മിന്നും താരം മുൻനിരയിൽ തന്നെയുണ്ട്.

ലോകത്തിലെ സമ്പന്നരായ ക്രിക്കറ്റ് താരങ്ങളുടെ പട്ടികയിൽ ആദ്യ മൂന്ന് സ്ഥാനങ്ങളിലുള്ളത് ഇന്ത്യൻ താരങ്ങളാണ്.

അതിൽ ഒന്നാമൻ ഇന്ത്യയുടെ മാസ്റ്റർ ബ്ലാസ്റ്റർ സച്ചിൻ ടെണ്ടുൽക്കറാണ്. 1250 കോടിയാണ് സച്ചിൻ ടെണ്ടുൽക്കറിന്റെ ആസതി.

സച്ചിന് പിന്നാലെ രണ്ടാം സ്ഥാനത്ത് മഹേന്ദ്ര സിംഗ് ധോണിയാണുള്ളത്. 1040 കോടിയാണ് ധോണിയുടെ ആകെ ആസ്തി.

പട്ടികയിൽ മൂന്നാം സ്ഥാനത്താണ് വിരാട് കോഹ്ലി. 1020 കോടിയാണ് വിരാട് കോഹ്ലിയുടെ ആസ്തി.

നാലാം സ്ഥാനത്തും ഇന്ത്യൻ താരം തന്നെയാണ് ഇടംപിടിച്ചിരിക്കുന്നത്. ഇന്ത്യൻ ക്രിക്കറ്റിലെ ദാദ സൗരവ് ഗാംഗുലിയാണ് സമ്പന്നരുടെ പട്ടികയിൽ നാലാമതുള്ളത്. 634 കോടിയാണ് ഗാംഗുലിയുടെ ആസ്തി.

ഓസ്ട്രേലിയൻ താരം റിക്കി പോണ്ടിങ് ആണ് അഞ്ചാം സ്ഥാനത്ത്. 480 കോടിയാണ് റിക്കി പോണ്ടിങ്ങിന്റെ ആസ്തി. ആറാം സ്ഥാനത്ത് ഓസ്ട്രേലിയൻ താരം ഷെയ്ൻ വോണും ഏഴാം സ്ഥാനത്ത് വെസ്റ്റ് ഇൻഡീസ് താരം ക്രിസ് ഗെയിലും ഇടംപിടിച്ചു.

409 കോടിയാണ് ഷെയ്ൻ വോണിന്റെ ആസ്തി. ക്രിസ് ഗെയിലിന് ആകെ 375 കോടി രൂപയുടെ ആസ്തിയാണുള്ളത്.