ജോലി ലൗ കോച്ച്; യുവതിയുടെ ജീവിതം രണ്ട് ഭർത്താക്കന്മാർക്കൊപ്പം; ജീവിതകഥ സോഷ്യൽ മീഡിയയിൽ ഹിറ്റ്

രണ്ട് പുരുഷന്മാർക്കൊപ്പം അതീവ സന്തോഷത്തിൽ കഴിയുന്ന ഒരു സ്ത്രീയുടെ ജീവിതകഥയാണ് ഇപ്പോൾ സോഷ്യൽമീഡിയയിൽ ശ്രദ്ധനേടുന്നത്. കെനിയ സ്റ്റീവൻസ് എന്നാണ് അവരുടെ പേര്. രണ്ട് ഭർത്താക്കന്മാർ കാൾ, ടൈഗർ. 26 വർഷമായി ആദ്യ ഭർത്താവിനൊപ്പവും 10 വർഷമായി രണ്ടാമത്തെ ഭർത്താവിനൊപ്പവുമാണ് കെനിയ സ്റ്റീവൻസ് ജീവിക്കുന്നത്.

കാളുമായുള്ള വിവാഹം കഴിഞ്ഞ് നാല് വർഷത്തിന് ശേഷമാണ് അവർ അടുത്ത വ്യക്തിയുമായി പ്രണയത്തിലായത്. ബന്ധങ്ങളുടെക്കുറിച്ചുള്ള വിദഗ്ധയും പ്രണയ പരിശീലകയുമാണ് കെനിയ സ്റ്റീവൻസ്. പ്രോഗ്രസീവ് ലവ് എന്ന അക്കാദമിയും നടത്തുന്നു. തന്നെ ആഴത്തിൽ സ്നേഹിക്കുന്ന രണ്ട് ഭർത്താക്കന്മാർപ്പമാണ് ജീവിക്കുന്നതെന്ന് കെനിയ സ്റ്റീവൻസ് പറയുന്നു.

തൻ്റെ ആദ്യ ഭർത്താവിനെ പരാമർശിച്ച്, അവൻ്റെ പേര് കാൾ എന്നാണെന്നും 26 വർഷമായി ഒരുമിച്ചാണെന്നും പറയുന്നു. കഴിഞ്ഞ 10 വർഷമായി താൻ ചെലവഴിച്ച രണ്ടാമത്തെ ഭർത്താവായ ടൈഗറെയും അവർ പരിചയപ്പെടുത്തുന്നു.ഒരു വീഡിയോയിലൂടെയാണ് കെനിയ തന്റെ ഭർത്താക്കന്മാരെ പരിചയപ്പെടുത്തിയത്.മൂന്നു പേരും ഒരുമിച്ച് വളരെ സന്തോഷത്തോടെയാണ് ജീവിക്കുന്നതെന്നും അവർ പറഞ്ഞു.

താനും കാളും രണ്ടും സംരംഭകരാണെന്നും നിരവധി ഓൺലൈൻ കമ്പനികൾ കൈകാര്യം ചെയ്യുകയും നിരവധി പുസ്തകങ്ങൾ രചിക്കുകയും ചെയ്യുന്നുവെന്നും കെനിയ വിശദീകരിച്ചു. അതേസമയം കെനിയക്കൊപ്പം ചേരുന്നതിന് മുമ്പ്, സ്റ്റോക്ക് മാർക്കറ്റ് ഡാറ്റ വിശകലനം ചെയ്യുന്ന ഒരു നിക്ഷേപകനായിരുന്നു അദ്ദേഹം എന്നാണ് അവരുടെ രണ്ടാമത്തെ ഭർത്താവായ ടൈഗർ പറഞ്ഞത്.

വീ‍ഡിയോയിൽ, അവർ മൂവരും ഒരു സോഫയിൽ ഇരുന്നുകൊണ്ട് കുറച്ച് ഷോട്ടുകൾക്ക് പോസ് ചെയ്തു. ഫോട്ടോഷൂട്ടിന് ശേഷം, കെനിയ ഫോട്ടോഗ്രാഫുകൾ അവലോകനം ചെയ്യുകയും സംതൃപ്തി പ്രകടിപ്പിക്കുകയും ചെയ്തു. അതേസമയം തന്നെ രണ്ട് ഭർത്താക്കന്മാരോടും അഭിപ്രായം ചോദിക്കുകയും ചെയ്യുന്നത് വീഡിയോയിൽ കാണാം.അവർ മൂവരും ചേർന്ന് സന്തോഷത്തോടെ ആ കാര്യങ്ങൾ ചെയ്യുന്നത് സോഷ്യൽ മീഡിയയിൽ ശ്രദ്ധ നേടി.

@sharpshoot_media എന്ന ഫോട്ടോഗ്രാഫി പേജാണ് കെനിയയുടേയും ഭർത്താക്കന്മാരുടേയും വീഡിയോ പോസ്റ്റ് ചെയ്തിരിക്കുന്നത്. കെനിയ സ്റ്റീവൻസും അവളുടെ രണ്ട് ഭർത്താക്കന്മാരും തമ്മിലുള്ള അവിശ്വസനീയമായ ബന്ധത്തെ പ്രതിഫലിപ്പിക്കുന്ന ആ വീഡിയോ സോഷ്യൽമീഡിയയിൽ ശ്രദ്ധ നേടുകയാണ്.