Happy Birthday Dhanush | ധനുഷിന്റെ മികച്ച അഞ്ച് കഥാപാത്രങ്ങൾ

ധനുഷിന് ഇന്ന് 37ാം പിറന്നാൾ. ഇന്ത്യൻ സിനിമയിൽ പുതിയ കാലത്തെ ഏറ്റവും മികച്ച നടന്മാരിൽ ഒരാൾ എന്ന് ഉറപ്പായും പറയാവുന്ന താരം.

സൂപ്പർ സ്റ്റാർ പരിവേഷത്തിനൊപ്പം മികച്ച സിനിമകളും പ്രകടനങ്ങളുമാണ് ധനുഷിനെ വ്യത്യസ്തനാക്കുന്നത്. ധനുഷിന്റെ പിറന്നാൾ ദിനത്തിൽ അദ്ദേഹത്തിന്റെ ഏറ്റവും മികച്ച അഞ്ച് കഥാപാത്രങ്ങളിലൂടെ,

സെൽവരാഘവൻ സംവിധാനം ചെയ്ത പുതുപ്പേട്ടെയ് പതിവ് ധനുഷ് ചിത്രങ്ങൾ പോലെ ബോക്സ് ഓഫീസിൽ വലിയ ചലനങ്ങൾ സൃഷ്ടിച്ചില്ലെങ്കിലും കൊക്കി കുമാർ എന്ന കഥാപാത്രത്തിന് ഇന്നും ആരാധകർ ഏറെയാണ്. ധനുഷ് എന്ന നടന്റെ പ്രഭാവം ആദ്യമായി പ്രേക്ഷകർ കണ്ട ചിത്രമാണ് പുതുക്കോട്ടെയ്.

ഭരത്ബാലയുടെ മര്യാനിൽ മത്സ്യതൊഴിലാളിയായാണ് ധനുഷ് അഭിനയിച്ചത്. പ്രണയവും സർവൈലും പറയുന്ന ചിത്രത്തിൽ അനായാസേനയുള്ള ധനുഷിന്റെ പ്രകടനം മരിയാൻ ജോസഫ് എന്ന കഥാപാത്രത്തെ മറക്കാത്ത അനുഭവമാക്കും.

ധനുഷിന് ഏറ്റവും മികച്ച കഥാപാത്രങ്ങൾ സമ്മാനിച്ച സംവിധായകനാണ് വെട്രിമാരൻ. വട ചെന്നൈയിലെ അൻപ് എന്ന കഥാപാത്രമാണ് ഇതിൽ ഒന്ന്. ഉത്തര ചെന്നൈയിലെ റൗഡിസവും രാഷ്ട്രീയവും രണ്ട് തലമുറകളിലൂടെ വിവരിക്കുന്ന ചിത്രമാണ് വട ചെന്നൈ.

വെട്രിമാരൻ തന്നെ സംവിധാനം ചെയ്ത അസുരനാണ് ധനുഷ് എന്ന നടനെ മറ്റൊരു തലത്തിൽ എത്തിച്ചത്. അക്ഷരാർത്ഥത്തിൽ പ്രകമ്പനം കൊള്ളിക്കുന്ന പ്രകടനമാണ് ശിവസാമി എന്ന കഥാപാത്രത്തിലൂടെ ധനുഷ് നടത്തിയത്. സാമൂഹിക അസമത്വവും ജാതി വിവേചനവും കൃത്യതയോടെ അടയാളപ്പെടുത്തിയ സിനിമ.

പൊല്ലാതവനിലെ പ്രഭു മേൽ പറഞ്ഞ സിനിമകളിൽ നിന്നെല്ലാം വ്യത്യസ്തനാണ്. തൊട്ടപ്പുറത്തെ വീട്ടിലെ പയ്യനെ പോലെ പ്രേക്ഷകർക്ക് പ്രിയങ്കരൻ. ആക്ഷന് പ്രാധാന്യമുള്ള സിനിമയിലെ ധനുഷിന്റെ പ്രകടനവും ഏറെ ശ്രദ്ധിക്കപ്പെട്ടതാണ്.