മാഗസിൻ കവറിനു വേണ്ടി ബിക്കിനി ലുക്കിൽ അനുഷ്ക ശർമ; വസ്ത്രത്തിന് മാത്രമുള്ള ചെലവ് ഒരു തുടക്കക്കാരന്റെ വാർഷികശമ്പളം

ബോളിവുഡ് താരസുന്ദരിയായ അനുഷ്ക ശർമ അഭിനയത്തിൽ മാത്രമല്ല നിർമാണത്തിൽ പരീക്ഷണം നടത്തിയിരിക്കുകയാണ്. ജൂലൈയിലെ വോഗ് ഇന്ത്യയിൽ അനുഷ്ക ശർമയാണ് കവർചിത്രം.

ബിക്കിനി വേഷത്തിലാണ് മാഗസിനിലെ കവർ ചിത്രത്തിൽ അനുഷ്ക പ്രത്യക്ഷപ്പെട്ടിരിക്കുന്നത്. എന്നാൽ, ഈ വേഷവിധാനങ്ങളാണ് ഇപ്പോൾ ചർച്ചയായിരിക്കുന്നത്.

അനുഷ്ക ശർമ തന്റെ ഇൻസ്റ്റഗ്രാം അക്കൗണ്ടിലാണ് ഈ ചിത്രം ആരാധകർക്കായി പങ്കു വെച്ചിരിക്കുന്നത്.

കൊബാൾട്ട് - ബ്ലൂ ഹാൾട്ടർ നെക്ക് ഹെർമെസ് സ്വിം സ്യൂട്ടിലാണ് ചിത്രത്തിൽ അനുഷ്കയെ കാണാൻ കഴിയുക. ഫ്രഞ്ച് ബ്രാൻഡ് ടീ ഷർട്ടും കാണാൻ കഴിയും.

പക്ഷേ, ഒരു ചെറിയ ബിക്കിനിയും ഒരു ടീ ഷർട്ടുമല്ലേ എന്നു പറഞ്ഞ് തള്ളിക്കളയാൻ വരട്ടെ. ഹെർമെസ് സ്വിം സ്യൂട്ടിന് മാത്രം 39,300 രൂപ വില വരും.

വലതു കൈയിൽ മാത്രം ഇട്ടിരിക്കുന്ന ഫ്രഞ്ച് ബ്രാൻഡ് ഷർട്ടിന്റെ വില കേട്ടാൽ ഒന്നു കൂടി ഞെട്ടും. 1,17,000 രൂപയാണ് ഷർട്ടിന്റെ വില. അതായത് ഒരു ഫോട്ടോയിൽ വസ്ത്രങ്ങൾക്ക് വേണ്ടി മാത്രം ചെലവായത് 1,56,300 രൂപ.

ഇന്ത്യയിൽ ഒരു ജോലിയിൽ ഒരു ശരാശരി തുടക്കക്കാരന്റെ വാർഷികശമ്പളത്തിന് സമമാണ് അനുഷ്കയുടെ ഡ്രസിന്റെ വില.

അനുഷ്കയും ഭർത്താവും ഇന്ത്യൻ ക്രിക്കറ്റ് ടീം ക്യാപ്റ്റനുമായ വിരാട് കോലിയും ഇപ്പോൾ മുംബൈയിലാണ് താമസം.