കഥകളുടെ ഗന്ധര്‍വൻ പത്മരാജന് 79-ാം ജന്മദിനം; ഒപ്പം അശോകന്റെയും റഹ്മാന്റെയും

മലയാളികളെ സിനിമ ലോകം സ്വപ്നം കാണാണ പഠിപ്പിച്ച പ്രിയ സംവിധായകന്‍ പി. പത്മരാജന് ഇന്ന് 79ാം ജന്മദിനം. അന്നും ഇന്നും എന്നും സിനിമ പ്രേമികൾക്ക് ഒരുപിടി മികച്ച സിനിമകൾ സമ്മാനിക്കാൻ പത്മരാജന് കഴിഞ്ഞു.

എന്നാൽ എല്ലാം ബാക്കിയാക്കി പത്മരാജൻ വിട വാങ്ങിയെങ്കിലും  അദ്ദേഹത്തിൻരെ ചിത്രങ്ങളും കഥാപാത്രങ്ങളും ഓരോ മലയാളികളുടെ മനസ്സിലും മരണം വരെയുണ്ടാകും.റേഡിയോയില്‍ പ്രോഗ്രാം അനൗസറായിട്ട് തുടക്കം കുറിച്ച പത്മരാജൻ പിന്നീട് സിനിമയുടെ ലോകത്തേക്ക് വരുകയായിരുന്നു.

 ഒരിടത്തൊരു ഫയല്‍വാന്‍, അരപ്പട്ട കെട്ടിയ ഗ്രാമത്തില്‍, നമുക്കു പാര്‍ക്കാന്‍ മുന്തിരിത്തോപ്പുകള്‍, തൂവാനത്തുമ്പികള്‍, മൂന്നാം പക്കം, ഞാന്‍ ഗന്ധര്‍വ്വന്‍ എന്നീ ചിത്രങ്ങള്‍ അദ്ദേഹത്തിന്റെ എവർ ഗ്രീൻ സൂപ്പര്‍ ഹിറ്റുകളായി.

പ്രണയവും വിരഹവും തുടങ്ങിയ മനുഷ്യന്റെ എല്ലാ വികാരങ്ങളേയും അദ്ദേഹത്തിന്റെ എഴുത്തില്‍ കൊണ്ടുവന്നു. എന്നാലും പത്മരാജന്‍ ചിത്രങ്ങളില്‍ ഏറ്റവും നിറഞ്ഞ് നിന്നത് പ്രണയം തന്നെയാണ്.

എന്നാൽ കൗതുകം ഉണര്‍ത്തുന്ന മറ്റൊരു കാര്യം ഈ ദിനത്തിൽ തന്നെയാണ് പത്മരാജൻ കൈപിടിച്ച് കയറ്റിയ നടൻ അശോകന്റെയും റഹ്മാന്റെയും ജന്മദിനം.

കൂടെവിടെ എന്ന സിനിമയിലേക്ക് കൈപിടിച്ചു കൊണ്ടുവന്ന, പറന്നു പറന്ന് പറന്ന് എന്ന ചിത്രത്തിലൂടെ ആദ്യ നായകവേഷം തന്ന, കാണാമറയത്തിലും കരിയിലക്കാറ്റുപോലെയിലും മികച്ച വേഷങ്ങൾ തന്ന പത്മരാജൻ റഹ്മാൻ ‌എന്നും സ്വന്തം പപ്പേട്ടനായിരുന്നു.

പത്മരാജൻ മലയാളസിനിമയിലേക്ക് കൈപിടിച്ചു നടത്തിച്ച മറ്റൊരു നടനാണ് അശോകൻ. പത്മരാജനാണ് തന്നെ സിനിമയിലേക്ക് എത്തി‍ച്ചതെന്നും അതിൽ അഭിമാനവും ഇത്തിരി അഹങ്കാരമുണ്ടെന്നും അശോകൻ പലപ്പോഴായും പറയാറുണ്ട്.