പാലക്കാട് സ്വകാര്യ ട്രാവല്സിന്റെ ബസ് മറിഞ്ഞ് രണ്ട് മരണം; നിരവധിപേർക്ക് പരിക്ക്
- Published by:Rajesh V
- news18-malayalam
Last Updated:
ഡ്രൈവർ ഉറങ്ങിപ്പോയതാകാം അപകടകാരണമെന്നാണ് പ്രാഥമിക നിഗമനം
advertisement
1/5

പാലക്കാട്: തിരുവാഴിയോട് ദീർഘദൂര സർവീസ് നടത്തുന്ന സ്വകാര്യ ട്രാവൽസ് ബസ് നിയന്ത്രണം വിട്ട് മറിഞ്ഞുണ്ടായ അപകടത്തിൽ രണ്ട് മരണം. ചെന്നൈയിൽനിന്ന് കോഴിക്കോടേക്ക് പോയ ബസാണ് ഇറക്കത്തിൽ നിയന്ത്രണം വിട്ട് മറിഞ്ഞ് അപകടത്തിൽപ്പെട്ടത്. (ഫോട്ടോ: എന്റെ ശ്രീകൃഷ്ണപുരം/ ഫേസ്ബുക്ക്)
advertisement
2/5
കാർഷിക വികസന ബാങ്കിന് മുന്നിൽ ബുധനാഴ്ച പുലർച്ചെയാണ് അപകടം. ഡ്രൈവർ ഉറങ്ങിപ്പോയതാകാം അപകടകാരണമെന്നാണ് പ്രാഥമിക നിഗമനം. (ഫോട്ടോ: എന്റെ ശ്രീകൃഷ്ണപുരം/ ഫേസ്ബുക്ക്)
advertisement
3/5
ബസിന്റെ അടിയിൽപ്പെട്ട രണ്ട് പേരാണ് മരിച്ചത്. മലപ്പുറം എടയത്തൂർ സ്വദേശിനി സൈനബയാണ് മരിച്ചവരിൽ ഒരാൾ. ഇവർ സംഭവസ്ഥലത്ത് വച്ച് തന്നെ മരിച്ചിരുന്നു. ഇവരുടെ മൃതദേഹം പാലക്കാട് ജില്ലാ ആശുപത്രിയിലേക്ക് മാറ്റിയിട്ടുണ്ട്. മരിച്ച രണ്ടാമത്തെയാൾ പുരുഷനാണ്. (ഫോട്ടോ: എന്റെ ശ്രീകൃഷ്ണപുരം/ ഫേസ്ബുക്ക്)
advertisement
4/5
ജീവനക്കാർ ഉൾപ്പെടെ 38 പേരായിരുന്നു ബസിൽ ഉണ്ടായിരുന്നത്. ബസിലുണ്ടായിരുന്നവരെയെല്ലാം പുറത്തെടുത്തിട്ടുണ്ട്. അപകടത്തിൽ പരിക്കേറ്റവരെ സമീപത്തെ വിവിധ ആശുപത്രികളിലായി പ്രവേശിപ്പിച്ചു. ഇവരിൽ ആരുടെയും നില ഗുരുതരമല്ലെന്നാണ് നിലവിൽ ലഭ്യമാകുന്ന വിവരം. (ഫോട്ടോ: എന്റെ ശ്രീകൃഷ്ണപുരം/ ഫേസ്ബുക്ക്)
advertisement
5/5
നിയന്ത്രണം വിട്ട് മറിഞ്ഞതോടെ റോഡിന് കുറുകെ കിടക്കുന്ന നിലയിലായിരുന്നു ബസ്. ബസ് റോഡിൽനിന്ന് മാറ്റാനുള്ള ശ്രമം ആരംഭിച്ചിട്ടുണ്ട്. (ഫോട്ടോ: എന്റെ ശ്രീകൃഷ്ണപുരം/ ഫേസ്ബുക്ക്)
മലയാളം വാർത്തകൾ/Photogallery/Kerala/
പാലക്കാട് സ്വകാര്യ ട്രാവല്സിന്റെ ബസ് മറിഞ്ഞ് രണ്ട് മരണം; നിരവധിപേർക്ക് പരിക്ക്