Kerala Gold Price | 'എന്റെ പൊന്നെ' ; റെക്കോർഡ് കുതിപ്പിൽ സ്വർണവില നിരക്ക് അറിയാം

പുതിയ റെക്കോർഡ് കുറിച്ച സംസ്ഥാനത്തെ സ്വർണവില( Gold Rate) . 58,240 രൂപയാണ് ഒരു പവൻ സ്വർണത്തിന്റെ ഇന്നത്തെ വിപണി വില.7280 രൂപയായാണ് ഒരു ഗ്രാം സ്വര്‍ണത്തിന്റെ നിരക്ക് . കഴിഞ്ഞ ദിവസം പവന് 320 രൂപ കുടിയതോടെയാണ് ചരിത്രത്തിൽ ആദ്യമായി സ്വർണവില 58000 കടന്നത്. കുതിച്ച് പൊങ്ങുന്ന സ്വർണവില ആഭരണ പ്രേമികൾക്ക് ആശങ്ക പടർത്തുകയാണ്.

ഈ മാസത്തിന്റെ തുടക്കത്തില്‍ 56,400 രൂപയായിരുന്നു ഒരു പവന്‍ സ്വര്‍ണത്തിന്റെ വില.ഒക്ടോബര്‍ പത്തിനായിരുന്നു ഈ മാസത്തെ ഏറ്റവും കുറഞ്ഞ സ്വര്‍ണനിരക്ക്. അന്ന് 56,000 രൂപയുടെ ഒരുപവന്‍ സ്വര്‍ണത്തിന്റെ വില. എന്നാല്‍ ഒക്ടോബര്‍ നാലിന് ഇത് 56,960 രൂപയായി ഉയര്‍ന്ന് അതുവരെയുള്ള ഏറ്റവും ഉയര്‍ന്ന വിലയെന്ന റെക്കോര്‍ഡ് രേഖപ്പെടുത്തിയിരുന്നു. ഈ റെക്കോര്‍ഡാണ് ഇപ്പോൾ തിരുത്തി കുറിച്ചിരിക്കുന്നത് .

സ്വര്‍ണവില ഈ വര്‍ഷം അവസാനത്തോടെ പുതിയ റെക്കോര്‍ഡിലേക്കെത്തുമെന്നാണ് റിപ്പോര്‍ട്ടുകള്‍. ഡിസംബറോടെ സ്വര്‍ണം ഗ്രാമിന് 7550 മുതല്‍ 8000 രൂപ വരെ വിലയെത്തുമെന്നാണ് അനലിസ്റ്റുകളുടെ പ്രതീക്ഷ. ഇതുവരെയുള്ള കണക്കുകള്‍ പ്രകാരം കഴിഞ്ഞ വര്‍ഷത്തെ അപേക്ഷിച്ച് സ്വര്‍ണ വിലയില്‍ ഈ വര്‍ഷം 29 ശതമാനത്തിന്റെ വര്‍ധനയുണ്ടായിട്ടുണ്ട്.

ഇപ്പോള്‍ ഒരു പവന്‍ ആഭരണം വാങ്ങണമെങ്കില്‍ പണിക്കൂലിയും, നികുതിയും അടക്കം 60,000- 65,000 രൂപ മുടക്കേണ്ടി വരും.രാജ്യാന്തര വിപണിയിലെ വില വർദ്ധനവാണ് സംസ്ഥാനത്തെ വിപണിയിലും സ്വർണത്തിന് വില കൂടാൻ കാരണമായി ചൂണ്ടിക്കാട്ടപ്പെടുന്നത്.

ഈ മാസത്തെ ഇതുവരെയുള്ള നിരക്കുകൾ നോക്കാം: ഒക്ടോബർ 1- 56,400, ഒക്ടോബർ 2- 56,800, ഒക്ടോബർ 3- 56,880, ഒക്ടോബർ 4- 56,960, ഒക്ടോബർ 5- 56,960, ഒക്ടോബർ 6- 56,960, ഒക്ടോബർ 7- 56,800, ഒക്ടോബർ 8- 56,800, ഒക്ടോബർ 9- 56,240, ഒക്ടോബർ 10- 56,200, ഒക്ടോബർ 11- 56,760, ഒക്ടോബർ 12- 56,960, ഒക്ടോബർ 13- 56,960, ഒക്ടോബർ 14- 56,960, ഒക്ടോബർ 15- 56,760, ഒക്ടോബർ 16- 57,120, ഒക്ടോബർ 17- 57,280, ഒക്ടോബർ 18- 57,920, ഒക്ടോബർ 19- 58,240.