ഹെൽമറ്റില്ലെങ്കിൽ 1000 രൂപ പിഴ; മദ്യപിച്ച് വാഹനമോടിച്ചാൽ പതിനായിരം രൂപ; ഭേദഗതി വരുത്തിയ മോട്ടോർ ബില്ലിന് കാബിനറ്റിന്റെ അംഗീകാരം
Last Updated:
സീറ്റ് ബെൽറ്റിട്ടില്ലെങ്കിൽ ആയിരം രൂപ പിഴ
advertisement
1/4

ഗതാഗത നിയമങ്ങള് ലംഘിക്കുന്നതിനുള്ള ശിക്ഷയും പിഴയും കഠിനമാക്കി . മോട്ടോര് വാഹന നിയമ ഭേദഗതി ബില്ലിന് കേന്ദ്രമന്ത്രി സഭ അംഗീകാരം നല്കി. ബില്ല് ഉടന് പാര്ലമെന്റില് അവതരിപ്പിക്കും. കഴിഞ്ഞ ഗവണ്മെന്റിന്റെ കാലത്ത് ലോക്സഭയില് പാസായ ബില്ല് രാജ്യസഭയില് പാസാകാത്തതിനാലാണ് വീണ്ടും അവതരിപ്പിക്കുന്നത്.
advertisement
2/4
പുതിയ നിയമപ്രകാരം ആംബുലൻസിന് പോകാൻ വഴികൊടുത്തില്ലെങ്കിൽ പതിനായിരം രൂപയാണ് പിഴ. ഹെല്മറ്റ് ഇല്ലാതെ വണ്ടിയോടിച്ചാല് ഇനി പിഴ 1000 രൂപയാണ്. ഒപ്പം 3 മാസത്തേക്ക് ലൈസന്സ് റദ്ദാക്കും. വാഹനം ഒടിക്കുന്നതിനിടെ മൊബൈല് ഫോണ് ഉപയോഗിച്ചാല് പിഴ 5000 രൂപയാണ് നിലവില് ഇത് 1000 രൂപയാണ്. മദ്യപിച്ച് വാഹനം ഓടിച്ചാല് പിഴ 10000 രൂപയാണ്.
advertisement
3/4
സീറ്റ് ബെല്റ്റ് ഇട്ടില്ലെങ്കില് നിലവിലെ പിഴ 100 രൂപ ആണെങ്കില് നിയമം വരുന്നതോടെ അത് 1000മാകും. അമിത വേഗത്തിന്റെ പിഴ 1000-2000 നിരക്കിലായിരിക്കും. നിലവില് ഇത് 400 രൂപയാണ്. അപകടപരമായ ഡ്രൈവിംഗിന് പിഴ പുതിയ നിയമത്തില് 5000 രൂപയായിരിക്കും. ട്രാഫിക്ക് നിയമലംഘനത്തിന് പിഴ 500 രൂപയായിരിക്കും.
advertisement
4/4
പ്രായപൂര്ത്തിയാകാത്തവര് വണ്ടി ഓടിച്ചാല് രക്ഷകര്ത്താവിനോ, വാഹനത്തിന്റെ ഉടമയ്ക്കോ 25,000 രൂപ പിഴ ലഭിക്കാം. ഒപ്പം 3 വര്ഷം തടവ്, വാഹന റജിസ്ട്രേഷന് റദ്ദാക്കല് എന്നീ ശിക്ഷകളും ലഭിക്കാം. വാഹന റജിസ്ട്രേഷനും, ലൈസന്സ് എടുക്കാനും ആധാര് നിര്ബന്ധമാക്കുമെന്നും പുതിയ നിയമം പറയുന്നുണ്ട്.
മലയാളം വാർത്തകൾ/Photogallery/Money/Auto/
ഹെൽമറ്റില്ലെങ്കിൽ 1000 രൂപ പിഴ; മദ്യപിച്ച് വാഹനമോടിച്ചാൽ പതിനായിരം രൂപ; ഭേദഗതി വരുത്തിയ മോട്ടോർ ബില്ലിന് കാബിനറ്റിന്റെ അംഗീകാരം