Kangana Ranaut| നടി കങ്കണ റണൗട്ട് മഹാരാഷ്ട്ര ഗവർണറുമായി കൂടിക്കാഴ്ച നടത്തി

മുംബൈ: മഹാരാഷ്ട്ര സർക്കാരുമായി പോര് തുടരുന്നതിനിടെ ഗവർണർ ഭഗത് സിംഗ് കോഷിയാരയുമായി കൂടിക്കാഴ്ച നടത്തി നടി കങ്കണ റണൗട്ട്. (Image: Special Arrangement)

സഹോദരി രംഗോലിക്കൊപ്പമാണ് കങ്കണ ഗവർണറുടെ വസതിയിലെത്തിയത്. തനിക്ക് മഹാരാഷ്ട്ര സർക്കാരിൽ നിന്ന് നേരിടേണ്ടി വന്ന അനീതിയെ കുറിച്ച് കങ്കണ ഗവർണറോട് വ്യക്തമാക്കി.(Image: Special Arrangement)

കങ്കണയുടെ മുംബൈയിലെ ഓഫീസ് ശിവസേന ഭരിക്കുന്ന ബിഎംസി പൊളിച്ചതിനു പിന്നാലെയാണ് കങ്കണ ഗവർണറെ കാണാനെത്തിയത്. (Image: Special Arrangement)

അദ്ദേഹം ഒരു മകളെപ്പോലെയാണ് തന്നെ കേട്ടതെന്ന് കൂടിക്കാഴ്ചയ്ക്ക് ശേഷം കങ്കണ മാധ്യമങ്ങളോട് പറഞ്ഞു.(Image: Special Arrangement)

ഒരു പൗരനായിട്ടാണ് ഗവർണറെ കാണാനെത്തിയതെന്നും രാഷ്ട്രീയവുമായി ഒരു ബന്ധവുമില്ലെന്നും കങ്കണ പറഞ്ഞു. (Image: Special Arrangement)

എനിക്ക് സംഭവിച്ച അനീതിയെക്കുറിച്ച് ഞാൻ മഹാരാഷ്ട്ര ഗവർണർ ഭഗത് സിംഗ് കോശ്യാരിയുമായി സംസാരിച്ചു, അദ്ദേഹം ഇവിടെ ഞങ്ങളുടെ രക്ഷാധികാരിയാണ്.(Image: Special Arrangement)

എനിക്ക് നീതി ലഭിക്കുമെന്ന് ഞാൻ പ്രതീക്ഷിക്കുന്നു അങ്ങനെ ജനാധിപത്യത്തിൽ ജനങ്ങൾക്കുള്ള വിശ്വാസം പുനഃസ്ഥാപിക്കാൻ കഴിയും- കങ്കണ പറഞ്ഞു. (Image: Special Arrangement)

സുശാന്ത് സിംഗ് രാജ്പുതിന്റെ മരണവുമായി ബന്ധപ്പെട്ടാണ് കങ്കണയും ശിവസേനയും തമ്മിലുള്ള പ്രശ്നങ്ങൾ ആരംഭിച്ചത്. (Image: Special Arrangement)

ഇതിനിടെയാണ് മുംബൈയെ പാക് അധീന കശ്മീരിനോട് കങ്കണ ഉപമിച്ചത്. ഇതോടെ പ്രശ്നങ്ങൾ രൂക്ഷമാവുകയായിരുന്നു. (Image: Special Arrangement)

ഇതിനു പിന്നാലെയാണ് കങ്കണയുടെ ഓഫീസ് പൊളിക്കാൻ തുടങ്ങിയത്. കോടതി ഇടപെട്ട് ഇത് തടഞ്ഞിരിക്കുകയാണ്. (Image: Special Arrangement)