ഹനുമാൻ സഞ്ജീവനി കൊണ്ടു വന്നത് ആർക്കു വേണ്ടി? ഉത്തരം അറിയാതെ അമ്പരന്ന താരത്തെ ട്രോളി സോഷ്യൽ മീഡിയ

മുംബൈ: രാമായണത്തിൽ നിന്നുള്ള ലളിതമായ ഒരു ചോദ്യത്തിന് ഉത്തരം പറയാനാകാതെ കുഴഞ്ഞ ബോളിവുഡ് താരം സൊനാക്ഷിയെ സിൻഹയെ ട്രോളി സോഷ്യൽ മീഡിയ.

അമിതാഭ് ബച്ചന്‍ അവതാരകനായ കോൻ ബനേഗാ ക്രോർപതി പരിപാടിയിലാണ് രാമയാണത്തിൽ നിന്നുള്ള ഒരു ചോദ്യം സൊനാക്ഷിക്ക് നേരിടേണ്ടി വന്നത്

ഹനുമാന്‍ സ‍‍‍‍ഞ്ജീവനി ഔഷധം കൊണ്ടു വന്നത് ആർക്കു വേണ്ടിയാണെന്നായിരുന്നു ചോദ്യം. ഇതിന് ഉത്തരം അറിയാതെ കുഴങ്ങിയ സൊനാക്ഷി ഒടുവിൽ ലൈഫ് ലൈനും ഉപയോഗപ്പെടുത്തി

പരിപാടി സംപ്രേഷണം ചെയ്തതിന് പിന്നാലെ താരത്തിനെതിരെ ട്രോളുകളും വ്യാപകമായി. ഷോയുടെ അവതാരകനായ അമിതാഭ് ബച്ചനും രാമായണത്തെക്കുറിച്ച് അറിയാത്ത സൊനാക്ഷിയെ പരിഹസിച്ച് രംഗത്തെത്തിയിട്ടുണ്ട്.

സൊനാക്ഷിയുടെ കുടുംബാംഗങ്ങളുടെ പേര് തന്നെ രാമായണത്തില്‍ നിന്നുള്ളതാണ്. എന്നിട്ട് പോലും താരത്തിന് ലളിതമായ ഒരു ചോദ്യത്തിന് ഉത്തരം പറയാനായില്ലെന്നാണ് പരിഹാസം.

അച്ഛന്റെ പേര് ശത്രുഘൻ, സഹോദരങ്ങളുടെ പേര് ലവ്, കുശ്, വീട്ടു പേര് 'രാമായൺ' എന്നിട്ടും വിശുദ്ധ രാമായണത്തെക്കുറിച്ച് അറിയില്ല.. എന്നായിരുന്നു മറ്റൊരു പരിഹാസം

നേരത്തെ ഒരു റിയാലിറ്റി ഷോയ്ക്കിടെ ഒരു ചോദ്യത്തിന് തെറ്റായ ഉത്തരം നൽകിയതിനെ തുടർന്ന് ബോളിവുഡ് താരം ആലിയാ ഭട്ടും സോഷ്യല്‍ മീഡിയയുടെ രൂക്ഷ പരിഹാസം ഏറ്റു വാങ്ങിയിട്ടുണ്ട്.

ആലിയയുമായി താരതമ്യപ്പെടുത്തിയാണ് ഇപ്പോൾ സൊനാക്ഷിക്കെതിരെ ട്രോളുകൾ. #YoSonakshiSoDumb എന്ന ഹാഷ്ടാഗും ഇപ്പോൾ സോഷ്യൽ മീഡിയയിൽ ട്രെൻഡിംഗാണ്.