Explained | കോവിഡ് ചികിത്സയ്ക്ക് ഉപയോഗിക്കുന്ന മെഡിക്കൽ ഓക്സിജൻ ഉത്പാദിപ്പിക്കുന്നത് എങ്ങനെ? അറിയേണ്ടതെല്ലാം

നിരവധി മാർഗങ്ങളിലൂടെ ദ്രവീകൃത മെഡിക്കൽ ഓക്സിജൻ ഉത്പാദിപ്പിക്കാം. എന്നാൽ പൊതുവെ അവലംബിക്കുന്ന മാർഗം എയർ സെപ്പറേഷൻ യൂണിറ്റ് എന്ന സംവിധാനം ഉപയോഗിച്ചുകൊണ്ട് ഓക്സിജനെ വേർതിരിച്ചെടുക്കലാണ്. അംശിക സ്വേദനം എന്ന മാർഗത്തിലൂടെ വലിയ അളവിലുള്ള അന്തരീക്ഷവായുവിൽ നിന്ന് ഈ സംവിധാനം ശുദ്ധ ഓക്സിജനെ വേർതിരിച്ചെടുക്കുന്നു. 78% നൈട്രജൻ, 21% ഓക്സിജൻ, 1% മറ്റു വാതകങ്ങൾ എന്നിവയാണ് അന്തരീക്ഷ വായുവിലുള്ളത്. അന്തരീക്ഷവായു തണുപ്പിച്ച് ദ്രവീകരിച്ചതിന് ശേഷം ഈ ഘടകങ്ങളോരോന്നും വേർതിരിച്ചു മാറ്റുകയും പിന്നീട് ദ്രവീകൃത ഓക്സിജനെ പ്രത്യേകമായി അരിച്ചു മാറ്റുകയുമാണ് ചെയ്യുന്നത്.

അന്തരീക്ഷവായു ആദ്യം -181 ഡിഗ്രി സെൽഷ്യസ് താപനിലയിലേക്ക് തണുപ്പിക്കുന്നു. ഓക്സിജൻ ഈ താപനിലയിൽ ദ്രവീകരിക്കപ്പെടും. നൈട്രജന്റെ തിളനില -196 ഡിഗ്രി സെൽഷ്യസ് ആയതിനാൽ അത് വാതകാവസ്ഥയിൽ തന്നെ തുടരുകയാണ് ചെയ്യുക. എന്നാൽ, ഓക്സിജന്റേതിന് സമാനമായ തിളനിലയുള്ള ആർഗണും ഓക്സിജനോടൊപ്പം ദ്രവീകരിക്കപ്പെടും.

ദ്രവീകരിച്ച വാതകങ്ങളെ സുരക്ഷിതമായി സൂക്ഷിക്കാനും കുറഞ്ഞ ചെലവിൽ കൊണ്ടുപോകാനുമൊക്കെ പ്രത്യേകമായി രൂപകൽപ്പന ചെയ്തവയാണ് ക്രയോജനിക് കണ്ടയിനറുകൾ. -90 ഡിഗ്രി സെൽഷ്യസിന് താഴെയുള്ള താപനിലയിലാണ് ഇവയിൽ ഓക്സിജൻ സൂക്ഷിക്കുക.

വാതകാവസ്ഥയിൽ തന്നെ ഓക്സിജൻ ഉത്പാദിപ്പിക്കാൻ കഴിയുന്ന സംവിധാനമാണ് ഇത്. ഉയർന്ന മർദ്ദത്തിൽ വാതകങ്ങൾ ഖര പ്രതലങ്ങളിലേക്ക് ആകർഷിക്കപ്പെടും എന്ന തത്വത്തെ മുൻനിർത്തിയാണ് ഇത് പ്രവർത്തിക്കുന്നത്. മർദ്ദം കൂടുന്നതിനനുസരിച്ച് വാതകം കൂടുതലായി ആഗിരണം ചെയ്യപ്പെടും.

താപനില അധികമായാൽ ഒരുപാട് പദാർത്ഥങ്ങൾ ഓക്സിജനിൽ കത്താൻ സാധ്യതയുണ്ട്. അതിനാൽ മെഡിക്കൽ ഓക്സിജൻ കൈകാര്യം ചെയ്യുന്നവരെല്ലാം ഇക്കാര്യത്തിൽ അതീവശ്രദ്ധ പുലർത്തുകയും സുരക്ഷാ നിർദ്ദേശങ്ങൾ പാലിക്കുകയും വേണം. കോവിഡ് പ്രതിസന്ധി കാരണം ആശുപത്രികളിൽ ഓക്സിജന്റെ സംഭരണവും ഉപയോഗവും കൂടിയതിനാൽ തീപിടുത്തം ഉണ്ടാകാനുള്ള സാധ്യതയും കൂടുതലാണ്.