11കാരനെ തട്ടിക്കൊണ്ടുപോയി മൂന്ന് ദിവസം ലൈംഗികമായി പീഡിപ്പിച്ച അധ്യാപിക അറസ്റ്റിൽ

പതിനൊന്നുകാരനെ തട്ടിക്കൊണ്ടുപോയി ലൈംഗികമായി പീഡിപ്പിച്ചതിന് 23കാരിയായ അധ്യാപിക അറസ്റ്റിലായി. ഗുജറാത്തിലെ സൂററ്റിലായിരുന്നു സംഭവം. കുട്ടിയുടെ അച്ഛന്റെ പരാതിയെ തുടർന്നാണ് അറസ്റ്റ്. കുട്ടിയുടെ വീടും അധ്യാപികയുടെ വീടും ഒരേ പ്രദേശത്താണ്. ഇരുവരെയും കാണാനില്ലെന്ന് കാട്ടി കുട്ടിയുടെ അച്ഛനാണ് പൊലീസിൽ പരാതി നൽകിയത്. പ്രദേശത്തെ സിസിടിവി പരിശോധിച്ചപ്പോൾ അധ്യാപികയ്ക്കൊപ്പം കുട്ടി പോകുന്നതിന്റെ ദൃശ്യങ്ങൾ പൊലീസിന് ലഭിച്ചു. മൂന്നു ദിവസത്തെ തിരച്ചിലിനൊടുവിലാണ് ഗുജറാത്ത്- രാജസ്ഥാൻ അതിർത്തിലെ ഷംലാജിയിൽ നിന്നും കുട്ടിയെയും അധ്യാപികയെയും പൊലീസ് കണ്ടെത്തിയത്.