കൊച്ചി സംഗീത പരിപാടിയിലെ മൊബൈൽ മോഷണം; ഡൽഹിയിൽ മൂന്ന് പേർ പിടിയിൽ

ഈ മാസം ആറിന് നടന്ന പരിപാടിയിൽ 36 മൊബൈൽ ഫോണുകളായിരുന്നു മോഷണം പോയത്. ഇതിൽ 21 എണ്ണം ഐ ഫോണുകളായിരുന്നു. ഇവയുടെ ലൊക്കേഷൻ മാത്രമാണ് പൊലീസിന് ലഭിച്ചിരുന്നത്. ഇത് കേന്ദ്രീകരിച്ച് നടത്തിയ അന്വേഷണത്തിലാണ് മോഷണ സംഘത്തിലെ മൂന്ന് പേരെ പൊലീസ് പിടികൂടിയത്. 8 പേരടങ്ങിയ മോഷണ സംഘം പിരിപാടിയ്ക്ക് രണ്ട് സംഘങ്ങളായിതിരിഞ്ഞാണ് മോഷണം നടത്തിയതെന്ന് പൊലീസ് പറഞ്ഞു. ഷോയിൽ മുൻനിരയിൽ ഉണ്ടായിരുന്നവരുടെ ഫോണുകളാണ് മോഷണം പോയത്. 6000 രൂപയായിരുന്നു മുൻനിര ടിക്കറ്റുകളുടെ വില. മറ്റ് പ്രതികൾക്കായി കൊച്ചി പൊലീസിന്റെ രണ്ട് സംഘം ഇപ്പോഴും ഡൽഹിയിൽ തുടരുകയാണ്. പിടിയിലായ പ്രതികളെ ചോദ്യം ചെയ്തുവരികയാണ്.