Explained: കോവിഡും സിടി സ്കാനും; രോഗം സ്ഥിരീകരിച്ചവർ എപ്പോഴാണ് സിടി സ്കാൻ ചെയ്യേണ്ടത്?

കോവിഡ് 19 രോഗികളുടെ എണ്ണം ക്രമാതീതമായി വർദ്ധിച്ചതോടെ ആശുപത്രികളിൽ മാത്രമല്ല റേഡിയോളജി ലാബുകളിലും ആളുകളുടെ തിരക്കാണ്. സി ടി സ്കാൻ എടുക്കാൻ വരുന്നവരുടെ എണ്ണം വളരെയധികം വർദ്ധിച്ചിരിക്കുന്നു. ഡോക്ടറുടെ ഉപദേശപ്രകാരവും അല്ലാതെയും രോഗികൾ സി ടി സ്കാനിങ്ങിനായി ലാബുകളിൽ എത്തുന്ന സാഹചര്യമാണ് ഉള്ളത്. എല്ലാവർക്കും സി ടി സ്കാനിന്റെ ആവശ്യമുണ്ടോ? ചികിത്സ എന്താകണമെന്ന് നിർണയിക്കുന്നതിൽ സി ടി സ്കാനിന് എത്രത്തോളം പങ്കുണ്ട്? എത്ര ദിവസത്തെ ഇടവേളയിലാണ് സി ടി സ്കാൻ പരിശോധനകൾ നടത്തേണ്ടത്? അതുകൊണ്ട് എന്തെങ്കിലും ദോഷഫലങ്ങൾ ഉണ്ടോ? ഇത്തരത്തിലുള്ള നിരവധി ചോദ്യങ്ങളാണ് പലരുടെയും മനസിലുള്ളത്. സിടി സ്കാനുമായി ബന്ധപ്പെട്ട പൊതുവായ ചില സംശയങ്ങൾക്ക് ഇവിടെ ഉത്തരം നൽകിയിരിക്കുന്നു.