14 വർഷത്തെ ഇടവേളക്ക് ശേഷം അക്ഷയ് കുമാർ പ്രിയദര്‍ശൻ ഹിറ്റ് കോമ്പോ എത്തുന്നു ; 'ഭൂത് ബംഗ്ലാ ' ഉടൻ

14 വര്‍ഷത്തെ ഇടവേളയ്ക്ക് ശേഷം ബോളിവുഡിലെ ഹിറ്റ് കോമ്പിനേഷന്‍ ആയിരുന്ന പ്രിയദര്‍ശനും അക്ഷയ് കുമാറും ഒന്നിക്കുന്നു. ഇടവേളയ്ക്ക് ശേഷം ഇരുവരും ഒന്നിക്കുന്ന ഒരു ചിത്രം വരുന്നതായ വാർത്തകൾ നേരത്തെ റിപ്പോർട്ട് ചെയ്തിരുന്നു. അക്ഷയ് കുമാറിന്‍റെ പിറന്നാള്‍ ദിനത്തിലാണ് ചിത്രത്തിനെ കുറിച്ചുള്ള ഔദ്യോഗിക പ്രഖ്യാപനം ഉണ്ടായിരിക്കുന്നത് . താരത്തിന്റെ 57ാം പിറന്നാള്‍ ദിനത്തിലായിരുന്നു താരത്തിന്റെ പ്രഖ്യാപനം. എന്റെ പിറന്നാളിന് നിങ്ങളുടെ സ്‌നേഹത്തിന് നന്ദി പറയുന്നു. ഈ വര്‍ഷം ആഘോഷിക്കുന്നത് ഭൂത് ബംഗ്ലയുടെ ഫസ്റ്റ് ലുക്ക് പോസ്റ്റര്‍ പങ്കുവച്ചാണ്. 14 വര്‍ഷത്തിനു ശേഷം പ്രിയദര്‍ശനൊപ്പം ഒന്നിക്കുന്നു എന്നതാണ് എന്നെ ആവേശത്തിലാക്കുന്നത്. ഈ സ്വപ്‌നകൂട്ടുകെട്ടിനായി ഏറെനാളായി കാത്തിരിക്കുന്നു. ഈ യാത്ര നിങ്ങളോട് പങ്കിടാന്‍ ഞാന്‍ കാത്തിരിക്കുകയാണ്. മാന്ത്രികതയ്ക്കായി കാത്തിരിക്കൂ.- അക്ഷയ് കുമാര്‍ കുറിച്ചു.