സാന്ദ്രയ്ക്ക് കണ്ണുകടിയും കുശുമ്പും: നിവിന്റെ പേര് എവിടേയും പറഞ്ഞില്ലെന്ന് ലിസ്റ്റിൻ സ്റ്റീഫൻ

സാന്ദ്രയ്ക്ക് ഒന്നും ചെയ്യാൻ കഴിയാത്തതിന്റെ അസൂയ കാരണമാണ് ഇത്തരത്തിൽ സംഘടനയിലെ ഓരോരുത്തരെ ആക്രമിക്കുന്നതെന്നും കൂട്ടിച്ചേർത്തു. ‘പ്രിൻസ് ആൻഡ് ഫാമിലി’ എന്ന സിനിമയുടെ പരിപാടിയിലാണ് എനിക്കൊരു കാര്യം പറയാനുണ്ടെന്ന് പറഞ്ഞ് ഇതേക്കുറിച്ച് സംസാരിച്ചത്.

മറ്റുള്ളവർ ഏറ്റെടുത്ത് ചർച്ചയാക്കാൻ വേണ്ടിയല്ല പറഞ്ഞത്. താൻ വിളിച്ചു വരുത്തിയ ആളുകളോടാണ് ഇത് പറഞ്ഞത്. അക്കാര്യങ്ങൾ എടുത്ത് പറഞ്ഞ് ലിസ്റ്റിൻ സിനിമയിൽ വലിയ ലോബിയാണെന്ന രീതിയിൽ വ്യാഖ്യാനിക്കേണ്ടതില്ല.

താൻ പറഞ്ഞത് ആരെക്കുറിച്ചാണെന്ന് ആ ആൾക്കും തങ്ങളുടെ ടീമിലുള്ളവർക്കും വ്യക്തമായി അറിയാം. പ്രശ്നം പറഞ്ഞ് പരിഹരിക്കേണ്ടത് ആ വ്യക്തിയുടെ കടമയാണെന്നും ലിസ്റ്റിൻ സ്റ്റീഫൻ. അതേസമയം ലിസ്റ്റിൻ സ്റ്റീഫനെതിരെ സാന്ദ്ര തോമസ് ഉന്നയിച്ച ആരോപണങ്ങൾക്ക് സാന്ദ്രയ്ക്ക് കണ്ണുകടിയും കുശുമ്പുമെന്നും ലിസ്റ്റിൻ പറ‍ഞ്ഞു.

മലയാള സിനിമയിലെ ഒരു പ്രമുഖ നടൻ വലിയൊരു തെറ്റിന് തിരികൊളുത്തിയിട്ടുണ്ടെന്നായിരുന്നു നിർമ്മാതാവിന്റെ ആരോപണം. പിന്നാലെ ആ നടൻ നിവിൻ പോളിയാണെന്ന തരത്തിൽ ചർച്ചകൾ എത്തിയിരുന്നു.