ജീവിതത്തിലെയും സ്‌ക്രീനിലെയും കുട്ടിയമ്മമാർ കണ്ടുമുട്ടിയപ്പോൾ; പോസ്റ്റുമായി മഞ്ജു പിള്ള

ജീവിതത്തിൽ നിന്നും സ്ക്രീനിലേക്കു പറിച്ചുനട്ട കുട്ടിയമ്മയെയാണ് നിങ്ങൾ 'ഹോം' എന്ന സിനിമയിൽ കണ്ടത്. ഒലിവർ ട്വിസ്റ്റിന്റെ ഭാര്യയും ആന്റണിയുടെയും ചാൾസിന്റെയും അമ്മയുമായ കഥാപാത്രമാണ് സിനിമയിലെ കുട്ടിയമ്മ. ജീവിതത്തിൽ അങ്ങനെയൊരാൾ ഉണ്ടെങ്കിൽ അത് സംവിധായകൻ റോജിൻ തോമസിന്റെ അമ്മയാണ്. ഒലിവർ ട്വിസ്റ്റ് സംവിധായകന്റെ പിതാവും. വലിയ സ്‌ക്രീനിൽ പ്രദർശിപ്പിച്ച കുട്ടിയമ്മയുടെ വിഷ്വലിനു മുൻപിൽ യഥാർത്ഥ കുട്ടിയമ്മയെ ചേർത്ത് പിടിച്ച് നിൽക്കുന്ന മഞ്ജുവിന്റെ ചിത്രമാണ് ഇൻസ്റ്റഗ്രാമിൽ പോസ്റ്റ് ചെയ്തിട്ടുള്ളത്.