ആര് പറഞ്ഞു മമ്മൂട്ടിയുടെ ഫൈറ്റില്ലെന്ന്? ചുരികപയറ്റുമായി മാമാങ്കം പ്രോമോ സോംഗിൽ മമ്മൂട്ടി

"ഉണ്ണി മുകുന്ദന് പ്രേമമുണ്ട്, ഫൈറ്റുണ്ട്, പാട്ടുണ്ട്. ഒന്നും എനിക്കില്ല." മാമാങ്കം ഓഡിയോ ലോഞ്ചിനെത്തിയ മമ്മൂട്ടിയുടെ വാക്ക് കേട്ട ആരാധകർ ഒന്ന് നെടുവീർപ്പിട്ടുകാണും. ചരിത്രം ഉറങ്ങുന്ന മാമാങ്കത്തിന്റെ കഥ പറയുന്ന ചിത്രത്തിൽ ഇതൊന്നുമില്ലാതെ മമ്മൂട്ടിയെ സങ്കല്പിക്കാനാവില്ല എന്നത് തന്നെ കാരണം. ചിത്രത്തിന്റെ ട്രെയ്‌ലറും ഗാനവും ഒക്കെ കണ്ടപ്പോൾ ഇത് വാസ്തവമാണെന്നു തന്നെ പലരും ഉറപ്പിച്ചു.