Minnal Murali review | ഒരു തനിനാടൻ സൂപ്പർഹീറോ, മെയ്ഡ് ഇൻ കുറുക്കൻമൂല

പണ്ടേക്കു പണ്ടേ, അമാനുഷികതയുടെ പല തലങ്ങൾ കണ്ടു പരിചയിച്ച പാരമ്പര്യമുണ്ട് മലയാള സിനിമയ്ക്ക്. അതിഭാവുകത്വം നിറഞ്ഞ ഹൊറർ, ഫാന്റസി ചിത്രങ്ങൾ വിവിധ കഥാപാത്രങ്ങളിലൂടെ വെവ്വേറെ തലമുറകളെ ത്രസിപ്പിച്ചിരിക്കുന്നു. പക്ഷെ അമാനുഷികനായ, തനി മലയാളിയായ ഒരു സൂപ്പർഹീറോ അപ്പോഴൊന്നും ഉണ്ടായില്ല. ഹോളിവുഡിലും, ഇന്ത്യൻ നിർമ്മിതികളിലുമായി അവർ സ്വീകരണമുറി വരെ കടന്നെത്തിയപ്പോഴും, ഏറിയാൽ ഒരു 'കുട്ടിച്ചാത്തൻ' അല്ലെങ്കിൽ 'അതിശയൻ' എന്നതിനപ്പുറം ചൂണ്ടിക്കാട്ടാൻ കേരളത്തിന് ഒരു മാതൃകയില്ലാതെ പോയി. അതിനുള്ള മറുപടിയെന്നോണം ഏറെ നാളത്തെ പ്രതീക്ഷകൾക്ക് ശേഷം 'മിന്നൽ മുരളി' (Minnal Murali) ഡിജിറ്റൽ സ്‌ക്രീനുകളിലൂടെ ഇതാ പ്രേക്ഷകരുടെ മുന്നിൽ.