Vinod Kovoor | പ്രതിസന്ധി കാലത്ത് മീൻ കച്ചവടവുമായി നടൻ വിനോദ് കോവൂർ

എം 80 മൂസ എന്ന ടെലിവിഷൻ പരിപാടിയിലൂടെ ശ്രദ്ധേയനായ വിനോദ് കോവൂർ നിരവധി സിനിമകളിലും അഭിനയിച്ചിട്ടുണ്ട്.

എം 80 മൂസയിൽ മീൻ കച്ചവടക്കാരനായ വിനോദ് കോവൂർ ജീവിതത്തിലും മത്സ്യക്കച്ചവടത്തിലേക്ക് തിരിഞ്ഞതോടെ പാലാഴിയിലെ ഫിഷ് സ്റ്റാൾ കാണാനും മീൻ വാങ്ങിക്കാനും നിരവധി പേരെത്തുന്നുണ്ട്. മലപ്പുറം ജില്ലയിൽ നിന്നുൾപ്പെടെ മീൻ വാങ്ങിക്കാനെത്തുന്നവർ വിനോദ് കോവൂരിൻ്റ ഒപ്പം നിന്ന് സെൽഫിയെടുത്ത് മടങ്ങുകയും ചെയ്യുന്നു.

പത്ത് ജീവനക്കാരുണ്ട് മീൻ കടയിൽ. ബേപ്പൂർ, ചാലിയം ഹാർബറുകളിൽ നിന്ന് നേരിട്ടാണ് നാടൻ മത്സ്യം വാങ്ങി വിതരണം ചെയ്യുന്നതെന്ന് വിനോദ് കോവൂർ പറഞ്ഞു.

അഞ്ച് സുഹൃത്തുക്കൾ ചേർന്ന് തുടങ്ങിയ ആശയമാണ് മത്സ്യ കച്ചവടം. പിന്നീട് താനും ഇതിൽ പങ്കാളിയാകുകയായിരുന്നു. അങ്ങനെയാണ് സി ഫ്രഷ് ഫിഷ് സ്റ്റാൾ ഉണ്ടായതെന്നും അദ്ദേഹം കൂട്ടിച്ചേർത്തു.