വിഷ്ണു ഉണ്ണികൃഷ്ണന്റെ ഒപ്പം കുട്ടികൾ; 'റിവോൾവർ റിങ്കോ' വരുന്നു

താരകാ പ്രൊഡക്ഷൻസിൻ്റെ ബാനറിൽ കിരൺ നാരായണൻ തിരക്കഥ രചിച്ച് സംവിധാനം ചെയ്യുന്ന പുതിയ ചിത്രത്തിന് 'റിവോൾവർ റിങ്കോ' എന്നു പേരിട്ടിരിക്കുന്നു. നടൻ വിഷ്ണു ഉണ്ണികൃഷ്ണൻ്റെ (Vishnu Unnikrishnan) ഒഫീഷ്യൽ പേജിലൂടെയാണ് ടൈറ്റിൽ ലോഞ്ച് നിർവ്വഹിച്ചിരിക്കുന്നത്. കുട്ടികളുടെ കാഴ്ച്ചപ്പാടുകൾക്കനുസരിച്ച്, ഒരു സംഘം കുട്ടികളുടെ സ്വപ്ന സാക്ഷാത്ക്കാരത്തിൻ്റെയും, ആത്മബന്ധത്തിൻ്റെയും കഥ പറയുന്ന ചിത്രത്തിന് അനുയോജ്യമാകും വിധത്തിലുള്ള ഒരു പേരു തന്നെയാണ് നൽകിയിരിക്കുന്നത്.