Sushant Singh Rajput death | നടി റിയ ചക്രവർത്തിയുടെ മൊഴി രേഖപ്പെടുത്തി; നടിയെ ചോദ്യം ചെയ്യുന്നത് രണ്ടാംതവണ

നടന്റെ മൊബൈൽ ഫോൺ കസ്റ്റഡിയിലെടുത്ത പൊലീസ് ഫോറൻസിക് സംഘത്തിനു കൈമാറി. അവസാന ദിവസങ്ങളിലെ ഫോൺ കോളുകളുടെ വിവരങ്ങൾ പരിശോധിച്ചുവരികയാണ്. റിയ ചക്രവർത്തി, സുഹൃത്തും നടനുമായ മഹേഷ് ഷെട്ടി, സഹോദരി, അച്ഛൻ കെ.കെ. സിങ് എന്നിവരെ മരണത്തിനു തൊട്ടുമുൻപുള്ള ദിവസങ്ങളിൽ സുശാന്ത് വിളിച്ചിരുന്നു.

സുശാന്തിന്റെ അടുത്ത സുഹൃത്തും കാസ്റ്റിങ് ഡയറക്ടറുമായ മുകേഷേ ചബ്ര ബോളിവുഡിലെ പ്രൊഫഷണൽ പോരുകളെപറ്റി അറിയില്ലെന്ന് ബുധനാഴ്ച പൊലീസിനു മൊഴി നൽകിയിരുന്നു. സിനിമാ പശ്ചാത്തലമില്ലാത്ത ഇടത്തരം കുടുംബത്തിൽ നിന്ന് ഉയർന്നുവന്ന സുശാന്തിന് ബോളിവുഡിൽ പിടിച്ചുനിൽക്കാൻ ഒട്ടേറെ വെല്ലുവിളികളുണ്ടായിരുന്നെന്ന് സുഹൃത്തുക്കൾ ആരോപിച്ചതിന്റെ കൂടി അടിസ്ഥാനത്തിലാണ് ബോളിവുഡിലെ പ്രൊഫഷണൽ പോരുകളെ പറ്റിയും അന്വേഷിക്കുന്നത്.