അനുമതിയില്ലാതെ ‘കൊടുമൺ പോറ്റി’യെ അവതരിപ്പിച്ചാൽ ഇനി പെടും ;മുന്നറിയിപ്പുമായി ‘ഭ്രമയുഗം’ നിർമാതാക്കൾ

‘ഭ്രമയുഗം’ സിനിമയുടെ ഭാഗങ്ങൾ ഇനി അനുമതിയില്ലാതെ ഉപയോഗിച്ചാൽ കുരുക്കിൽ പെടും. ചിത്രത്തിന്റെ സംഗീതം, സംഭാഷണം, കഥാപാത്രം, കഥാപാത്രങ്ങളുടെ പേരുകൾ തുടങ്ങി സകലതിനും കോപ്പിറൈറ്റുമായി നിർമ്മാതാക്കൾ രംഗത്ത് .ഇനി മുതൽ കൃത്യമായ അനുമതിയില്ലാതെ ചിത്രത്തിന്റേതായ ഒരു ഭാഗവും ഉപയോഗിക്കരുതെന്ന് വ്യക്തമാക്കിയിരിക്കുകയാണ് നിർമാതാക്കളായ നൈറ്റ്ഷിഫ്റ്റ് സ്റ്റുഡിയോസ് .ചിത്രത്തിന്റെ പേരും ലോഗോയും ട്രേഡ്മാർക്ക് ചെയ്തിട്ടുണ്ടെന്നും ചിത്രത്തിലെ സംഗീതമോ കഥാപാത്രങ്ങളുടെ പേരുകളോ സംഭാഷണങ്ങളോ വാണിജ്യ ആവശ്യങ്ങൾക്കായി അനധികൃതമായി ഉപയോഗിക്കുന്നത് നിയമപരമായി നേരിടുമെന്നും നിർമാതാക്കൾ അറിയിച്ചു.