Election 2022 | 2022 ഒരു തെരഞ്ഞെടുപ്പ് വർഷം; ഏഴു സംസ്ഥാനങ്ങളിൽ നിയമസഭാ തെരഞ്ഞെടുപ്പ്; 75 രാജ്യസഭ സീറ്റിലേക്ക് വോട്ടെടുപ്പ്

സംസ്ഥാനങ്ങളിൽ സന്ദർശനം നടത്തി കമ്മീഷൻ ഒരുക്കങ്ങൾ വിലയിരുത്തി കഴിഞ്ഞു. നവംബർ,ഡിസംബർ മാസങ്ങളിലായാണ് ഗുജറാത്തിലും ഹിമചാലിലും വോട്ടെടുപ്പ്.. ലോക്സഭ സീറ്റുകളുടെ  അടിസ്ഥാനത്തിൽ കണക്കാക്കിയാൽ രാജ്യത്തെ ആകെ മണ്ഡലങ്ങളുടെ 25 ശതമാനവും ഈ സംസ്ഥാനങ്ങളിലാണ്.  അതുകൊണ്ട് തന്നെ മിനി പൊതുതെരെഞ്ഞെടുപ്പിനാണ് രാജ്യം സാക്ഷ്യം വഹിക്കാൻ പോകുന്നത്.ഇതിന് പുറമെ 75 രാജ്യസഭ സീറ്റിലേക്കും ഈ വർഷമാണ് തെരഞ്ഞെടുപ്പ്.

സമാജ്‌വാദി പാർട്ടി-47

ബിഎസ്പി-19

അപ്നാദൾ -9

കോൺഗ്രസ്‌ -7

എസ്ബിഎസ്പി -4

ആർഎൽഡി -1

നിഷാദ് പാർട്ടി -1

സ്വതന്ത്രർ -3

2017 ൽ വോട്ടെടുപ്പ് നടന്നത് ഫെബ്രുവരി 11 മുതൽ മാർച്ച്‌ 8 വരെ  7 ഘട്ടങ്ങളിലായി.

അഞ്ചു സംസ്ഥാനങ്ങളിലേക്ക് നടക്കുന്ന തെരഞ്ഞെടുപ്പിൽ ഉത്തർപ്രദേശ് കഴിഞ്ഞാൽ ഏറ്റവും കൂടുതൽ നിയമസഭ സീറ്റുകൾ ഉള്ളത് പഞ്ചാബിൽ.അഞ്ചു സംസ്ഥാനങ്ങളിൽ കോൺഗ്രസ്‌ ഭരിക്കുന്ന ഏക സംസ്ഥാനവും പഞ്ചാബിൽ മാത്രം.കർഷക സമര വിജയവും,വിവാദ കാർഷിക നിയമങ്ങൾ കേന്ദ്രത്തിനു പിൻവലിക്കേണ്ടിവന്നതും കോൺഗ്രസിൽ നിന്നുള്ള അമരീന്ദർ സിംഗിന്റെ രാജിയും മതനിന്ദ വിവാദവുമെല്ലാം പഞ്ച നദികളുടെ നാട്ടിൽ മുഖ്യചർച്ചാവിഷയമാകും

ആംആദ്മി -20

ശിരോമണി അകാലിദൾ -15

ബിജെപി -3

എൽഐപി -2

ഉത്തർപ്രദേശ്, പഞ്ചാബ് എന്നീ സംസ്ഥാനങ്ങളിൽ നിന്ന് വ്യത്യസ്തമായി ബിജെപിയും കോൺഗ്രസും നേർക്കുനേർ വരുന്ന സംസ്ഥാനം. എന്നാൽ ഇത്തവണ  എല്ലാ സീറ്റിലും മത്സരിച്ച് ആം ആദ്മി പാർട്ടിയും സാന്നിധ്യം അറിയിക്കാൻ ഒരുങ്ങുന്നു. തുടർഭരണത്തിന് ബിജെപിയും തിരിച്ചുവരവിന് കോൺഗ്രസ്സും ശ്രമിക്കുമ്പോൾ രണ്ടുകക്ഷിയിലും ആഭ്യന്തര പ്രശ്നങ്ങൾ രൂക്ഷം.

അഞ്ചു വർഷത്തിനിടയിൽ മൂന്നാമത്തെ മുഖ്യമന്ത്രിയുമായാണ് ബിജെപി തെരെഞ്ഞെടുപ്പിലേക്ക് പോകുന്നത്. മുഖ്യമന്ത്രി പുഷ്‌കർ ധാമിയുമായി കലഹിച്ച് ഹരക് സിംഗ് റാവത്ത് മന്ത്രിസഭായോഗത്തിൽ നിന്ന് ഇറങ്ങി പോയതു അടുത്തിടെ. പാർട്ടി തന്നെ അവഗണിക്കുന്നുവെന്ന ഹരീഷ് റാവത്തിന്റെ തുറന്നുപറച്ചിൽ കോൺഗ്രസ്‌ നേതൃത്വത്തെ കുറച്ചൊന്നുമല്ല ഞെട്ടിച്ചത്. പിന്നാലെ ഹരീഷ് റാവത്തിനെ സ്റ്റാർ ക്യാമ്പയിനറാക്കി നിശ്ചയിച്ചു നേതൃത്വം.പ്രശ്നങ്ങൾ അവസാനിച്ചുവെന്നു രണ്ടു പാർട്ടി നേതൃത്വങ്ങളും പറയുന്നുണ്ടെങ്കിലും അതു എത്രമാത്രം ഫലം കണ്ടുവെന്ന് കാണാനിരിക്കുന്നതേയുള്ളു ..

കോൺഗ്രസ്‌ -11

സ്വതന്ത്രർ -2

ഏറ്റവും വലിയ ഒറ്റക്കക്ഷി ആയിട്ടും ഭരണത്തിലെത്താൻ കഴിഞ്ഞില്ലെന്ന് മാത്രമല്ല എംഎൽഎമാരുടെയും നേതാക്കളുടെയും കൊഴിഞ്ഞുപോക്ക് തുടരുന്നതാണ് കോൺഗ്രസ്‌ നേരിടുന്ന പ്രതിസന്ധി. പിസിസി പ്രസിഡന്റായിരുന്ന ഗോവിന്ദദാസ് കോൻതോജാമും കഴിഞ്ഞ ഓഗസ്റ്റിൽ ബിജെപി പാളയത്തിലെത്തി.എങ്കിലും പരമ്പരാഗത വോട്ട് ബാങ്ക് ഏറ്റവും വലിയ ഒറ്റകക്ഷിയാകാൻ തുണയ്ക്കുമെന്ന പ്രതീക്ഷയിലാണ് കോൺഗ്രസ്‌.

ബിജെപി -21

എൻപിപി -4

എൻപിഎഫ് -4

തൃണമൂൽ -1

എൽജെപി-1

സ്വതന്ത്രൻ -1

ബിജെപി-13

എം എ ജി -3

ജിഎഫ് പി-3

എൻസിപി -1

സ്വതന്ത്രർ -3

അഞ്ചു വർഷം കൂടുമ്പോൾ കോൺഗ്രസ്‌, ബിജെപി സർക്കാരുകൾ മാറി മാറി വരുന്നതാണ് ഹിമാചലിന്റെ സമീപകാല ചരിത്രം.അടുത്തിടെ നടന്ന ലോക്സഭ, നിയമസഭ ഉപതെരെഞ്ഞെടുപ്പുകളിൽ ബിജെപിക്കേറ്റ തിരിച്ചടി,സംസ്ഥാനം എങ്ങോട്ടെന്ന് സൂചന നൽകുന്നതാണ്. ഇതു തിരിച്ചറിഞ്ഞ് മന്ത്രിസഭാ പുനസംഘടനയിലേക്ക് കടക്കുകയാണ് ബിജെപി.