നടൻ വിജയ് തിരഞ്ഞെടുപ്പ് അങ്കത്തട്ടിലേക്ക്, തമിഴക വെട്രി കഴകത്തിന് കേന്ദ്ര തിരഞ്ഞെടുപ്പ് കമ്മിഷന്റെ അംഗീകാരം
- Published by:Nandu Krishnan
- news18-malayalam
Last Updated:
ഫെബ്രുവരി 2നായിരുന്നു പാർട്ടിയുടെ അംഗീകാരത്തിനായി തിരഞ്ഞെടുപ്പ് കമ്മിഷന് അപേക്ഷ സമർപ്പിച്ചത്
നടൻ വിജയ് യുടെ രാഷ്ട്രീയ പാർട്ടിയായ തമിഴക വെട്രി കഴകത്തിന് കേന്ദ്ര തിരഞ്ഞെടുപ്പ് കമ്മിഷന്റെ അംഗീകാരം ലഭിച്ചതായി താരം അറിയിച്ചു. ഫെബ്രുവരി 2നായിരുന്നു പാർട്ടിയുടെ അംഗീകാരത്തിനായി തിരഞ്ഞെടുപ്പ് കമ്മിഷന് അപേക്ഷ സമർപ്പിച്ചത്. അപേക്ഷ നൽകി എഴ് മാസത്തിന് ശേഷമാണ് അംഗീകാരം ലഭിച്ചത്. നിയമപരമായ പരിശോധനക്ൾക്കെല്ലാം ശേഷമാണ് അംഗീകാരം നൽകിയതെന്ന് വിജയ് പ്രതികരിച്ചു.
'ഞങ്ങളുടെ ആദ്യ വാതിൽ തുറന്നു'. പാർട്ടിക്ക് അംഗീകാരം ലഭിച്ചതിൽ പ്രതികരിച്ചുകൊണ്ട് വിജയ് പറഞ്ഞു. ഇനി തിരഞ്ഞെടുപ്പ് രാഷ്ട്രീയത്തിലേക്ക് ഇറങ്ങുകയാണെന്നും വിജയ് പറഞ്ഞു. പാർട്ടിയുടെ ആദ്യ സമ്മേളനം ഉടൻ പ്രഖ്യാപിച്ചേക്കുമെന്നാണ് വിവരം.
രണ്ടാഴ്ച മുമ്പാണ് ചുവപ്പ് മഞ്ഞ നിറത്തിൽ ആനകളുടെചിത്രം ആലേഖനം ചെയ്ത പാർട്ടിയുടെ ഔദ്യോഗിക പതാക വിജയ് പുറത്തിറക്കിയത്. 2026 ലെ തമിഴ്നാട് നിയമ സഭാ തിരഞ്ഞെടുപ്പ് ലക്ഷ്യമിട്ടാണ് പാർട്ടിയുടെ പ്രവർത്തനം എന്നാണ് വിവരം.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,Delhi
First Published :
September 08, 2024 5:23 PM IST
മലയാളം വാർത്തകൾ/ വാർത്ത/India/
നടൻ വിജയ് തിരഞ്ഞെടുപ്പ് അങ്കത്തട്ടിലേക്ക്, തമിഴക വെട്രി കഴകത്തിന് കേന്ദ്ര തിരഞ്ഞെടുപ്പ് കമ്മിഷന്റെ അംഗീകാരം
