മുൻ പ്രതിരോധ മന്ത്രി എ.കെ ആന്‍റണിയെ ടെട്രാ ട്രക്ക് അഴിമതിക്കേസിൽ ഡൽഹി കോടതി വിസ്തരിച്ചു

യുപിഎ സർക്കാരിന്‍റെ കാലത്തെ ടെട്രാ ട്രക്ക് അഴിമതി കേസുമായി ബന്ധപ്പെട്ട് അന്നത്തെ പ്രതിരോധമന്ത്രിയും മുതിർന്ന കോൺഗ്രസ് നേതാവുമായ എ കെ ആന്‍റണിയെ ഡൽഹി കോടതി വിസ്തരിച്ചു. ഈ കേസിൽ സിബിഐ കുറ്റപത്രം കോടതിയിൽ ഹാജരാക്കിയിരുന്നു. ഡൽഹി റോസ് അവന്യൂ കോടതിയിലാണ് ആന്‍റണി ഇന്ന് ഹാജരായത്. കോൺഗ്രസ് അധ്യക്ഷ തെരഞ്ഞെടുപ്പുമായി ബന്ധപ്പെട്ട തർക്കങ്ങൾ തുടരുന്നതിനിടെ ആന്‍റണിയുടെ ഡൽഹി യാത്ര ഏറെ ചർച്ചയായിരുന്നു. സോണിയ ഗാന്ധി വിളിച്ചിട്ടാണ് ആന്‍റണി ഡൽഹിയിലേക്കു പോകുന്നതെന്ന് പ്രചാരണമുണ്ടായിരുന്നു. ആന്‍റണി കോൺഗ്രസ് അധ്യക്ഷപദം ഏറ്റെടുത്തേക്കുമെന്ന് വരെയായിരുന്നു പ്രചാരണം.