സിനിമാ ജീവിതത്തിലെ ഏറ്റവും നല്ല കഥാപാത്രങ്ങൾ തന്ന വ്യക്തിയാണ് എം.ടിയെന്ന് മോഹൻലാൽ

എംടിയുമായി ഒരുപാട് വർഷത്തെ ബന്ധമുണ്ടെന്നും നല്ല സ്നേഹമായിരുന്നു എന്നും മോഹൻലാൽ മാധ്യമങ്ങളോട് പറഞ്ഞു. തന്റെ സംസ്കൃത നാടകങ്ങൾ കാണാൻ എംടി മുംബൈയിലെത്തിയ കാര്യവും മോഹൻലാൽ ഓർത്തെടുത്ത് പറഞ്ഞു. എംടിയുമായി വൈകാരിക അടുപ്പമുണ്ടായിരുന്നെന്നും സ്നേഹം അങ്ങോട്ടുമിങ്ങോട്ടുമുണ്ടെന്നും മോഹൻലാൽ പറഞ്ഞു. അദ്ദേഹത്തിൻറെ തൂലികയിലൂടെ സൃഷ്ടിക്കപ്പെട്ട ഒരുപാട് കഥാപാത്രങ്ങളെ അവതരിപ്പിക്കാൻ സാധിച്ച ഒരാളാണ് താനെന്നും മോഹൻലാൽ പറഞ്ഞു.

വാർദ്ധക്യ സഹജമായ അസുഖങ്ങളെ തുടർന്ന് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്ന എം ടി വാസുദേവൻ നായർ കഴിഞ്ഞദിവസം രാത്രി 10 മണിയോടെയായിരുന്നു വിടപറഞ്ഞത്. ഇന്ന് വൈകിട്ട് അഞ്ചുമണിയോടെ മാവൂർ റോഡ് ശ്മശാനത്തിൽ ആയിരിക്കും സംസ്കാരം.