തദ്ദേശ തിരഞ്ഞെടുപ്പിൽ‌ ഹൈടെക്ക് വോട്ടേർസ് സ്ലിപ്പുമായി ബിജെപി; പോളിങ് സ്റ്റേഷനിലേക്കുള്ള വഴി പറയാൻ QR കോഡ്

തിരുവനന്തപുരം: തദ്ദേശ തിരഞ്ഞെടുപ്പിൽ‌ സാങ്കേതികവിദ്യ ഉപയോഗിച്ചുള്ള പ്രചാരണത്തിന് തുടക്കം കുറിച്ച് ബിജെപി. തിരുവനന്തപുരം കോർപറേഷനിലെ ബിജെപി സ്ഥാനാർത്ഥികളാണ് ക്യു ആർ‌ കോഡ് ഉപയോഗിച്ചുള്ള പ്രചാരണത്തിന് തുടക്കം കുറിച്ചിരിക്കുന്നത്. കൊടുങ്ങാനൂരിലെ സ്ഥാനാർത്ഥി വി വി രാജേഷിന്റെയും കവടിയാർ സ്ഥാനാർത്ഥി എസ് മധുസുദനൻ നായരുടെയും വോട്ടേർസ് സ്ലിപ്പ് ഹൈടെക്കാണ്. ഈ സ്ലിപ്പിൽ പുതുമയാർന്ന ചില പ്രത്യേകതകൾ കൂടിയുണ്ട്. തിരുവനന്തപുരം കോർപറേഷനിലെ എല്ലാ ബിജെപി സ്ഥാനാർത്ഥികളുടെയും വോട്ടേഴ്സ് സ്ലിപ്പ് ഈ രീതിയിൽ പുറത്തിറക്കാനാണ് തീരുമാനം.