പോപ്പുലർ ഫ്രണ്ട് ഹർത്താൽ; കേരളത്തോട് കേന്ദ്ര സർക്കാർ റിപ്പോർട്ട് തേടി
- Published by:Jayesh Krishnan
- news18-malayalam
Last Updated:
കേന്ദ്ര ആഭ്യന്തര മന്ത്രാലയമാണ് കേരള സര്ക്കാരിനോട് റിപ്പോർട്ട് തേടിയിരിക്കുന്നത്.
ന്യൂഡൽഹി: സംസ്ഥാനത്ത് പോപ്പുലർ ഫ്രണ്ട് നടത്തിയ ഹർത്താലിൽ റിപ്പോർട്ട് തേടി കേന്ദ്ര സര്ക്കാർ. കേന്ദ്ര ആഭ്യന്തര മന്ത്രാലയമാണ് കേരള സര്ക്കാരിനോട് റിപ്പോർട്ട് തേടിയിരിക്കുന്നത്. പോപ്പുലർ ഫ്രണ്ട് വെള്ളിയാഴ്ച നടത്തിയ ഹർത്താലിൽ വ്യാപക ആക്രമണമാണ് റിപ്പോർട്ട് ചെയ്തത്.
ഹര്ത്താല് ദിവസം സര്വീസ് നടത്തിയ കെഎസ്ആര്ടിസി ബസ്സുകള്ക്ക് നേരെയുണ്ടായ ആക്രമണത്തില് 45 ലക്ഷത്തില്പ്പരം രൂപയുടെ നാശനഷ്ടങ്ങള് സംഭവിച്ചതായി സർക്കാർ ഹൈകോടതിയെ അറിയിച്ചു. 70 കെഎസ്ആര്ടിസി ബസുകൾ തകർത്തെന്നും സർക്കാർ കോടതിയെ അറിയിച്ചു.
പൊതുമുതല് നശിപ്പിച്ചതിന് പോലീസ് ആക്രമികള്ക്കെതിരെ പിഡിപിടി ആക്ട് അനുസരിച്ച് കേസ് രജിസ്റ്റര് ചെയ്തു. കെഎസ്ആര്ടിസിക്കുണ്ടായ നഷ്ടം ഈടാക്കാന് നിയമനടപടിയുമായി കെഎസ്ആര്ടിസി മുന്നോട്ടുപോവുമെന്നും ഗതാഗതമന്ത്രി ആന്റണി രാജു പറഞ്ഞു.
advertisement
വിവിധ ജില്ലകളില് നടന്ന അക്രമ സംഭവങ്ങളില് 157 കേസുകള് രജിസ്റ്റര് ചെയ്തതായി കേരളാ പോലീസ് വാര്ത്താക്കുറിപ്പിലൂടെ അറിയിച്ചു. 170 പേരെ അറസ്റ്റ് ചെയ്തിട്ടുണ്ടെന്നും 368 പേരെ കരുതല് തടങ്കലിലാക്കിയെന്നും പോലീസ് വ്യക്തമാക്കി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 24, 2022 7:30 AM IST
മലയാളം വാർത്തകൾ/ വാർത്ത/Kerala/
പോപ്പുലർ ഫ്രണ്ട് ഹർത്താൽ; കേരളത്തോട് കേന്ദ്ര സർക്കാർ റിപ്പോർട്ട് തേടി
