ചോരയും കണ്ണീരും പൊടിഞ്ഞ ഉപതിരഞ്ഞെടുപ്പുകൾ നടന്ന നിലമ്പൂരിലെ 17 ആർക്ക് മധുരിക്കും?

കേരള നിയമസഭയിലേക്ക് നടന്ന ഉപതിരഞ്ഞെടുപ്പുകളുടെ പതിവ് കാരണങ്ങളിൽ കുറച്ച് വ്യത്യസ്തമാണ് നിലമ്പൂരിൽ നടന്നവയ്ക്കുള്ളത്. പകയുടെ ചോരയും ത്യാഗത്തിന്റെ കണ്ണീരും കൊണ്ട് അപൂർവമായ ചരിത്രമാണ് ഏറനാടൻ മണ്ണിലെ ഉപതിരഞ്ഞെടുപ്പ് പോരാട്ടങ്ങൾക്കുള്ളത്. ആറു പതിറ്റാണ്ട് ചരിത്രമുള്ള നിലമ്പൂർ നിയമസഭാ മണ്ഡലത്തിന്റെ ചരിത്രം ആരംഭിക്കുന്നത് 1965 മുതലാണ്. അന്ന് മലപ്പുറം ജില്ല ജനിച്ചിട്ടില്ല. കോഴിക്കോടു ജില്ലയിലെ ഏറനാട് താലൂക്കിലായിരുന്നു ഇവിടം. കഴിഞ്ഞ 60 വർഷത്തെ ചരിത്രത്തിൽ നിയമസഭയിലേക്ക് നടന്ന 16 തിരഞ്ഞെടുപ്പുകളിൽ രണ്ടെണ്ണം ഉപതിരഞ്ഞെടുപ്പുകളാണ്. അങ്ങനെ ഇത് തിരഞ്ഞെടുപ്പ് നമ്പർ 17.