Covid 19 | പടിക്ക് പുറത്ത് മഹാമാരി; കേരളത്തിന് മാതൃകയായി ഇടമലക്കുടിയുടെ കോവിഡ് പ്രതിരോധം

പുറത്തു നിന്നുള്ളവർക്ക് ഇടമലക്കുടിയിലേക്ക് ഇപ്പോൾ പ്രവേശനമില്ലെന്ന് ഊരുകൂട്ടം തീരുമാനിച്ചു. ഇടമലക്കുടിയിൽ റേഷനടക്കമുള്ള സാധനങ്ങളെല്ലാം വരുന്നത് മൂന്നാറിൽ നിന്നാണ്. പുതിയ സാഹചര്യത്തിൽ സാധനം വാങ്ങാൻ പുറത്തു പോകുന്നവർ രണ്ടാഴ്ച്ചത്തെ നിരീക്ഷണത്തിന് ശേഷം മാത്രം വീടുകളിൽ തിരിച്ചു പ്രവേശിക്കണം.

പുറത്തു നിന്നുള്ളവർക്ക് ഇടമലക്കുടിയിൽ പ്രവേശിക്കണമെങ്കിൽ വനംവകുപ്പിന്റെ പ്രത്യേക അനുമതി വേണം. എണ്ണൂറോളം കുടുംബങ്ങളാണ് ഇടമലക്കുടിയിലുള്ളത്. കൊറോണ പ്രതിസന്ധി തീരും വരെ പുറത്ത് നിന്നുള്ളവരെ ഇടമലക്കുടിലേക്ക് പ്രവേശിപ്പിക്കരുതെന്ന് കാട്ടി ഊരുകൂട്ടം വനം, പട്ടികവര്‍ഗ്ഗ ക്ഷേമവകുപ്പുകളെ സമീപിച്ചിട്ടുണ്ട്.