ചെറുകിട ഇടത്തരം സംരംഭങ്ങള്‍ക്ക് 5 വര്‍ഷത്തേക്ക് വൈദ്യുതി ഡ്യൂട്ടി ഒഴിവാക്കും; പുതിയ വ്യവസായ നയത്തിന്റെ കരട്

Published by:Jayesh Krishnan
news18-malayalam

Last Updated:September 29, 2022 6:09 PM IST

2018 ലെ വ്യവസായ നയത്തിൽ ഏറെ മാറ്റങ്ങൾ വരുത്തിയാണ് പുതിയ കരട് തയ്യാറാക്കിയിട്ടുള്ളത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

തിരുവനന്തപുരം: പുതിയ വ്യവസായ വാണിജ്യ നയത്തിന്റെ കരട് രേഖ സർക്കാർ പ്രസിദ്ധീകരിച്ചു. 2018 ലെ വ്യവസായ നയത്തിൽ ഏറെ മാറ്റങ്ങൾ വരുത്തിയാണ് പുതിയ കരട് തയ്യാറാക്കിയിട്ടുള്ളത്. വ്യവസായ, കയർ വകുപ്പ് മന്ത്രി പി. രാജീവാണ് കരട് വിശദീകരിച്ചത്.

സംരംഭക ഉത്തരവാദിത്വ നിക്ഷേപങ്ങളേയും സുസ്ഥിര ആവാസവ്യവസ്ഥ സംജാതമാക്കുക, വ്യവസായ സംരംഭങ്ങളെയും പ്രോത്സാഹിപ്പിക്കുക, പരമ്പരാഗത വ്യവസായങ്ങളെ നൂതന സാങ്കേതികവിദ്യയുടെ സഹായത്തോടെ നവീകരിക്കുക, പുതുതലമുറ സംരംഭങ്ങൾക്ക് ആവശ്യമായ നൂതന അടിസ്ഥാനസൗകര്യങ്ങൾ ഏർപ്പെടുത്തുക, സംരംഭങ്ങളെ പാരിസ്ഥിതിക, സാമൂഹിക, ഭരണ ഘടകങ്ങളിൽ ലോകോത്തര നിലവാരത്തിനനുസരിച്ച് വേണ്ട മാറ്റങ്ങൾ സ്വീകരിക്കുന്നതിന് പ്രാപ്തരാക്കുക. ഉൽപ്പന്നങ്ങൾക്ക് 'കേരള ബ്രാൻഡ് ലേബലിൽ വിപണനം ചെയ്യുന്നതിന് സൗകര്യമൊരുക്കുക, ഉൽപ്പന്നങ്ങൾക്ക് വിദേശ വിപണി കണ്ടെത്തുന്നതിന് സഹായിക്കുക എന്നിവയാണ് പുതിയ വ്യവസായ നയത്തിൽ പ്രധാനമായും ലക്ഷ്യമിട്ടിരിക്കുന്നതെന്ന് വ്യവസായ മന്ത്രി പറഞ്ഞു.

Also Read-ബഫര്‍സോണ്‍; ഒരു കിലോ മീറ്റര്‍ പരിധിയിലെ നിര്‍മാണങ്ങളുടെ വിവരങ്ങള്‍ ശേഖരിക്കാന്‍ വിദഗ്ധ സമിതി

അതിവേഗ വളർച്ചയുള്ള 'സൺറൈസ്' സംരംഭങ്ങളെ കൂടുതൽ ആകർഷിക്കുന്നതിനും അതുവഴി തൊഴിലവസരങ്ങൾ സൃഷ്ടിക്കുന്നതിനുമാണ് പുതിയ വ്യവസായ വാണിജ്യ നയത്തിൽ സാമ്പത്തിക പ്രോത്സാഹനങ്ങൾ വിഭാവനം ചെയ്തിരിക്കുന്നത്. നിർമ്മിത ബുദ്ധി അടിസ്ഥാനമാക്കിയുള്ള സംരംഭങ്ങൾ, ആയുർവേദം, ബയോടെക്നോളജി, ഡിസൈനിങ്, ഇലക്ട്രോണിക്സ് ഡിസൈനിങ്ങും നിർമ്മാണവും, വൈദ്യുതി വാഹനങ്ങളുടെയും അനുബന്ധ ഉപകരണങ്ങളുടെയും നിർമ്മാണം, എഞ്ചിനീയറിംഗ് R&D, ഫുഡ് ടെക്, ഹൈടെക് കൃഷി, അതിമൂല്യ വർധിത റബ്ബർ ഉൽപ്പന്നങ്ങൾ, ലോജിസ്റ്റിക്സ് മെഡിക്കൽ ഉപകരണങ്ങൾ, നാനോ ടെക്നോളജി, റീട്ടെയിൽ, സ്പേസ് മേഖല, റോബോട്ടിക്സ്, പുനഃരുപയോഗിക്കാവുന്ന ഊർജ്ജമേഖല, ടൂറിസം, ഗ്രാഫീൻ, 3D പ്രിന്റിങ്, മറൈൻ ക്ലസ്റ്റർ പ്രോത്സാഹിപ്പിക്കുന്നതിന് ലക്ഷ്യമാക്കുന്നതെന്നും മന്ത്രി അറിയിച്ചു.

വ്യവസായ നയം കരട് നിർദ്ദേശങ്ങൾ

എം.എസ്.എം.ഇ. ഇതര സംരംഭങ്ങൾക്ക് സ്ഥിരമൂലധനത്തിന്റെ 10% വരെ
10 കോടി രൂപയിൽ കവിയാതെ നിക്ഷേപ സബിഡി

എം.എസ് .എം.ഇ. ഇതര സംരംഭങ്ങൾക്ക് സ്ഥിരമൂലധനത്തിന്റെ സംസ്ഥാന GST വിഹിതം 100%, അഞ്ച് വർഷത്തേക്ക് തിരികെ നൽകും

വർഷം 1000 അപ്രന്റീസുകൾക്ക്, 6 മാസത്തേക്ക് അവരുടെ വേതനത്തിന്റെ 50%, പരമാവധി 5000 രൂപയിൽ കൂടാതെ, വ്യവസായ സംരംഭങ്ങൾക്ക് നൽകും

സൂക്ഷ്മ ചെറുകിട ഇടത്തരം സംരംഭങ്ങൾക്ക് 5 വർഷത്തേക്ക് 100% വൈദ്യുതി ഡ്യൂട്ടി ഒഴിവാക്കും

എം എസ് എം ഇ സംരംഭങ്ങൾക്ക് പരമ്പരാഗത രീതിയിലുള്ള ധനസമാഹരണത്തിന് പുറമെ ഓഹരി വിപണനത്തിലൂടെ ധനസമാഹരണം പ്രോത്സാഹിപ്പിക്കുന്നതിനുവേണ്ടി, അത്തരം നടപടിക്രമങ്ങൾക്ക് ചിലവാകുന്ന തുകയുടെ 50% തുക, പരമാവധി 1 കോടി രൂപയിൽ കവിയാതെ തിരികെ നൽകുന്നതിനുള്ള പദ്ധതി

സർക്കാർ വ്യവസായ പാർക്കുകളിലും, അംഗീകരിച്ച സ്വകാര്യ വ്യവസായ പാർക്കുകളിലും നിർമ്മാണ വ്യവസായസ്ഥാപനങ്ങൾക്കുവേണ്ടി ഭൂമി വാങ്ങുകയോ പാട്ടത്തിന് എടുക്കുകയോ ചെയ്യുമ്പോൾ സ്റ്റാമ്പ് ഡ്യൂട്ടി, റെജിസ്ട്രേഷൻ ചാർജ്ജ് എന്നിവ പൂർണ്ണമായും ഒഴിവാക്കുന്നതിനുള്ള പദ്ധതി,

സ്ത്രീ സംരംഭകർക്കും, പട്ടിക ജാതി പട്ടിക വിഭാഗത്തിലുള്ള സംരംഭകർക്കും സംസ്ഥാനത്തിന്റെ ഭാഗത്തും നിർമ്മാണ വ്യവസായസ്ഥാപനങ്ങൾക്കുവേണ്ടി ഭൂമി വാങ്ങുകയോ പാട്ടത്തിന് എടുക്കുകയോ ചെയ്യുമ്പോൾ സ്റ്റാമ്പ് ഡ്യൂട്ടി, റെജിസ്ട്രേഷൻ ചാർജ്ജ് എന്നിവ പൂർണ്ണമായും ഒഴിവാക്കുന്നതിനുള്ള പദ്ധതി

സർക്കാർ ധനകാര്യ സ്ഥാപനങ്ങളിൽനിന്നും വായ്പ എടുക്കുന്ന 'സൺറൈസ് സംരംഭങ്ങൾക്ക്, അവയുടെ പ്രവർത്തനം തുടങ്ങി 5 വർഷത്തേക്ക്, പലിശ നിരക്കിൽ പരമാവധി 2% ലഭ്യമാക്കുന്നതാണ്

100 കോടി രൂപയിലധികം മുതൽമുടക്കുള്ള ഭൂമി വില ഒഴികെ നിർമ്മാണ വ്യവസായങ്ങൾക്കും, തരംമാറ്റം ആവശ്യമാണെങ്കിൽ, നിയമാനുസൃതമായ നടപടിക്രമങ്ങളിലൂടെ അപ്രകാരം തരംമാറ്റ അനുമതി ലഭിക്കുന്ന പദ്ധതികൾക്ക് തരംമാറ്റ ഫീസിൽ 50% ഇളവ്

കൂടാതെ അവിടെ സ്ഥാപിക്കുന്ന കെട്ടിടങ്ങൾക്ക് അധികമായി ഈടാക്കുന്ന ഫീസിൽനിന്നും ഒഴിവ്

എം.എസ് .എം.ഇ. സംരംഭങ്ങൾക്ക്വിദേശരാജ്യങ്ങളിലെ വ്യവസായ പ്രദർശനങ്ങളിൽ പങ്കെടുക്കുന്നതിന് ചിലവാകുന്ന തുകയുടെ 100%, പരമാവധി 5 ലക്ഷം രൂപയിൽ കൂടാതെ, ഒരു സംരംഭത്തിന് വർഷത്തിലൊരിക്കൽ ഒരു വ്യവസായപ്രദർശനത്തിന് എന്ന കണക്കിൽ തിരികെ നൽകുന്നതിനുള്ള പദ്ധതി

പേറ്റന്റ്, കോപ്പി റൈറ്റ്, ട്രേഡ് മാർക്ക്, GI റെജിസ്ട്രേഷൻ, എന്നിവക്ക് ചിലവാകുന്ന തുകയുടെ 50%, പരമാവധി 30 ലക്ഷം രൂപ വരെ തിരികെ നൽകുന്ന പദ്ധതി

ഗുണനിലവാര മാർക്കുകൾ, വിദേശങ്ങളിലേക്ക് കയറ്റുമതി ചെയ്യുന്നതിന് ആവശ്യമായ (FDA, CE, ISO, etc.) എന്നിവക്കുവേണ്ട ചിലവിന്റെ 50%, പരമാവധി 25 ലക്ഷം രൂപ വരെ തിരികെ നൽകുന്നതിനുള്ള പദ്ധതി

ഉത്തരവാദിത്വ നിക്ഷേപം പ്രോത്സാഹിപ്പിക്കുന്നതിന് ആവശ്യമായ മലിനീകരണ നിയന്ത്രണ സംവിധാനം, ജല സംരക്ഷണ/ പുനരുപയോഗം, എനർജി ഓഡിറ്റ്, ജല ഓഡിറ്റ് എന്നീ സംവിധാനങ്ങൾക്ക് ചിലവാകുന്ന തുകയുടെ 25%, പരമാവധി 25 ലക്ഷം രൂപ വരെ തിരികെ നൽകുന്നതിനുള്ള പദ്ധതി

വ്യവസായ വിപ്ലവം 4.0 ഇതിന്റെ ഭാഗമായി വേണ്ട സംവിധാനങ്ങൾ ഒരുക്കുന്നതിന് നിർമ്മിത ബുദ്ധിയുപയോഗിച്ച് പ്രവർത്തിക്കുന്നിർമ്മാണപ്രവർത്തനങ്ങൾ, ഡാറ്റ മൈനിങ് & അനാലിസിസ്, തുടങ്ങിയവ) സംരംഭങ്ങൾ ചിലവാക്കുന്ന തുകയുടെ 20%, പരമാവധി 25 ലക്ഷം രൂപ വരെ തിരികെ നൽകുന്നതിനുള്ള പദ്ധതി.

ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ

Location :

First Published :

September 29, 2022 6:08 PM IST

ചെറുകിട ഇടത്തരം സംരംഭങ്ങള്‍ക്ക് 5 വര്‍ഷത്തേക്ക് വൈദ്യുതി ഡ്യൂട്ടി ഒഴിവാക്കും; പുതിയ വ്യവസായ നയത്തിന്റെ കരട്

ചെറുകിട ഇടത്തരം സംരംഭങ്ങള്‍ക്ക് 5 വര്‍ഷത്തേക്ക് വൈദ്യുതി ഡ്യൂട്ടി ഒഴിവാക്കും; പുതിയ വ്യവസായ നയത്തിന്റെ കരട്

2018 ലെ വ്യവസായ നയത്തിൽ ഏറെ മാറ്റങ്ങൾ വരുത്തിയാണ് പുതിയ കരട് തയ്യാറാക്കിയിട്ടുള്ളത്.

ഫോട്ടോ

പ്രധാനപ്പെട്ട വാർത്ത