ചെറുപ്പത്തിൽ കൃഷി പരിചയപ്പെടുത്താൻ കളമശ്ശേരിയിൽ കുട്ടിക്കർഷക സംഗമം

കുട്ടികളിൽ ചെറുപ്പം മുതൽ കൃഷി പരിചിതമാക്കാനും കൃഷിയുടെ മാഹാത്മ്യം മനസ്സിലാക്കുന്നതിനുമുള്ള പ്രവർത്തനങ്ങളാണ് കൃഷിക്ക് ഒപ്പം കളമശ്ശേരിയുടെ കാർഷികോത്സവത്തിൻ്റെ ഭാഗമായി നടത്തി വരുന്നതെന്ന് വ്യവസായ വകുപ്പ് മന്ത്രി പി രാജീവ്. ചാക്കോളാസ് ഗ്രൗണ്ടിൽ മൂന്നാമത് കളമശ്ശേരി കാർഷികോത്സവത്തിൻ്റെ ഭാഗമായി മണ്ഡലതല കുട്ടിക്കർഷക സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കൃഷിയിടങ്ങളിലേക്ക് കുട്ടികളെ കൊണ്ടുപോയി കൃഷി രീതികൾ പഠിപ്പിക്കുന്നതിനുള്ള പ്രവർത്തനങ്ങൾ നടപ്പിലാക്കി വരുന്നുണ്ട്. ഇതിൻ്റെ ഭാഗമായി കുറ്റുകാരൻ പോളിടെക്നിക് കോളേജിലെ വിദ്യാർത്ഥികൾക്ക് നെൽ കൃഷി ചെയ്യാൻ പത്ത് സെൻ്റ് നൽകിയിട്ടുണ്ടെന്നും മന്ത്രി പറഞ്ഞു.