ഭിന്നശേഷിക്കാർക്ക് കൈത്താങ്ങായി എറണാകുളം ജില്ലാ പഞ്ചായത്ത്: 108 പേർക്ക് മുച്ചക്ര വാഹനങ്ങൾ വിതരണം ചെയ്തു

ഒരു കോടിയിലധികം രൂപ ചെലവഴിച്ച് 108 ഭിന്നശേഷിക്കാർക്ക്‌ ജില്ലാ പഞ്ചായത്തിൻ്റെ നേതൃത്വത്തിൽ മുച്ചക്ര വാഹനങ്ങൾ വിതരണം ചെയ്തു. സമൂഹത്തിൽ പ്രത്യേക പരിഗണന ലഭിക്കേണ്ട പാർശ്വവൽക്കരിക്കപ്പെടുന്ന ജനസമൂഹത്തെ ചേർത്തുപിടിക്കുന്നത് മാതൃകാപരമാണെന്ന് പ്രതിപക്ഷ നേതാവ് വി. ഡി. സതീശൻ അഭിപ്രായപ്പെട്ടു. എറണാകുളം ജില്ലാ പഞ്ചായത്തിൻ്റെ വാർഷിക പദ്ധതിയുടെ ഭാഗമായി നടപ്പിലാക്കിയ മുച്ചക്ര വാഹനങ്ങളുടെ വിതരണ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. ഭിന്നശേഷിസൗഹൃദ വികസനം എന്ന കാഴ്ചപ്പാടോടെയാകണം നമ്മുടെ നാടിൻ്റെ ഒരോ വികസന പ്രവർത്തനങ്ങളെന്നും പ്രതിപക്ഷ നേതാവ് പറഞ്ഞു. മനുഷ്യരുടെ വേദനകളും പ്രയാസങ്ങളും തിരിച്ചറിഞ്ഞ് മനുഷ്യമുഖമുള്ള പദ്ധതികൾ ആവിഷ്ക്കരിച്ച് നടപ്പിലാക്കുന്നതിൽ എറണാകുളം ജില്ലാ പഞ്ചായത്ത് സംസ്ഥാനത്തെ ഏറ്റവും മികച്ച മാതൃകയാണെന്നും പ്രതിപക്ഷ നേതാവ് കൂട്ടിച്ചേർത്തു. ഒരു കോടിയിലധികം രൂപ ചെലവഴിച്ച് 108 പേർക്കാണ് ജില്ലാ പഞ്ചായത്തിൻ്റെ നേതൃത്വത്തിൽ മുച്ചക്ര വാഹനങ്ങൾ വിതരണം ചെയ്തത്.