ഹരിത കേരള മിഷൻ ജില്ലാതല പച്ചത്തുരുത്ത് മത്സരത്തിൽ മഹാരാജാസ് കോളേജിന് ഒന്നാം സ്ഥാനം

ഔഷധസസ്യങ്ങൾ, പുളി, പേര, ചാമ്പ, നെല്ലി തുടങ്ങിയ വൃക്ഷങ്ങൾ, കുറ്റിചെടികൾ എന്നിവയ്‌ക്കൊപ്പം 32 തരം പക്ഷികളും ഇരുപതോളം ശലഭ വിഭാഗങ്ങളും ഇവിടെ സംരക്ഷിക്കപ്പെടുന്നുണ്ട്. പരിസ്ഥിതി സംരക്ഷണ പ്രവർത്തനങ്ങളിൽ വിദ്യാർത്ഥികളുടെയും അധ്യാപകരുടെയും സജീവ പങ്കാളിത്തം, ജൈവവള പ്രയോഗം, ഡ്രിപ്പ് ഇറിഗേഷൻ, ചെടികളുടെ ലേബലിംഗ്, പൊതുജനബോധവൽക്കരണ പരിപാടികൾ തുടങ്ങിയ തുടർച്ചയായ പ്രവർത്തനങ്ങളാണ് മഹാരാജാസ് കോളേജിനെ ജില്ലാതല മത്സരത്തിൽ ഒന്നാം സ്ഥാനത്തേക്ക് ഉയർത്തിയത്. നഗരവത്കരണത്തിനിടയിലും പ്രകൃതിയുമായി സമാധാനത്തോടെ സഹവർത്തിത്വം പുലർത്തുന്ന മാതൃക സൃഷ്ടിക്കുകയാണ് മഹാരാജാസ് കോളേജ്.