കടുക്കൻ പോയാൽ കമ്മൽ വരും; കൽക്കിയിൽ നിന്നും പുറത്തായ ദീപിക പദുകോൺ ഷാരൂഖ് ഖാൻ ചിത്രത്തിൽ

കൽക്കി 2898 AD സീക്വലിൽ നിന്ന് പിന്മാറിയതിനെ കുറിച്ച് പ്രതികരണവുമായി ദീപിക പദുക്കോൺ (Deepika Padukone). നടൻ ഷാരൂഖ് ഖാനുമായി (Shah Rukh Khan) വീണ്ടും ഒന്നിക്കുന്നതിനെക്കുറിച്ചുള്ള ആവേശകരമായ വാർത്ത പങ്കുവെച്ചു കൊണ്ടാണ് ദീപിക ആ വിശേഷം പങ്കിട്ടത്. കൈകൾ കോർത്ത് പിടിച്ചിരിക്കുന്നതായി കാണിക്കുന്ന ഒരു ചിത്രം പോസ്റ്റ് ചെയ്തുകൊണ്ട് അവർ എഴുതി, “ഏകദേശം 18 വർഷങ്ങൾക്ക് മുമ്പ് 'ഓം ശാന്തി ഓം' എന്ന ചിത്രത്തിന്റെ ഭാഗമാകുമ്പോൾ, ഒരു സിനിമ നിർമ്മിക്കുന്നതിന്റെ അനുഭവവും നിങ്ങൾ അതിൽ ആരുമായി പ്രവർത്തിക്കുന്നു എന്നതും അതിന്റെ വിജയത്തേക്കാൾ വളരെ പ്രധാനമാണ് എന്നതാണ് അദ്ദേഹം എന്നെ പഠിപ്പിച്ച ആദ്യ പാഠം. ഞാൻ ആ അഭിപ്രായത്തോട് പൂർണമായും യോജിക്കുന്നു. അതിനുശേഷം ഞാൻ എടുത്ത ഓരോ തീരുമാനത്തിലും ആ പാഠം പ്രയോഗിച്ചിട്ടുണ്ട്. അതുകൊണ്ടാണ് ഞങ്ങൾ വീണ്ടും ഞങ്ങളുടെ ആറാമത്തെ സിനിമ ഒരുമിച്ച് ചെയ്യുന്നത്?”